കൊച്ചി: ശബരിമല സ്വര്ണ്ണമോഷണക്കേസില് എസ്ഐടി ഹൈക്കോടതിയില് അന്വേഷണ പുരോഗതി റിപ്പോര്ട്ട് സമര്പ്പിച്ചു. എസ്പി, എസ് ശശിധരന് നേരിട്ട് ഹാജരായാണ് റിപ്പോര്ട്ട് സമര്പ്പിച്ചത്.
അടച്ചിട്ട കോടതി മുറിയ്ക്കുള്ളിലായിരുന്നു നടപടിക്രമങ്ങള്.
ദ്വാരപാലക ശില്പ്പ പാളിയില് നിന്നും കട്ടിളപ്പാളിയില് നിന്നും ശേഖരിച്ച സ്വര്ണ്ണസാമ്പിളുകള് ജാംഷഡ്പൂരിലെ ദേശീയ മെറ്റലര്ജിക്കല് ലബോറട്ടറിയില് പരിശോധനയ്ക്കയച്ചുവെന്നും ശാസ്ത്രീയ പരിശോധന നടത്താമെന്ന് ദേശീയ ലബോറട്ടറി അറിയിച്ചതായും എസ്ഐടി നേരത്ത കോടതിയെ ബോധിപ്പിച്ചിരുന്നു.
അതേസമയം, ശബരിമല കൊടിമര പുനപ്രതിഷ്ഠയിലെ ക്രമക്കേടുമായി ബന്ധപ്പെട്ട തുടര് നടപടികള് ഹൈക്കോടതി അവസാനിപ്പിച്ചു. വിജിലന്സ് റിപ്പോര്ട്ട് പരിഗണിച്ചാണ് നടപടി. കൊടിമര നിര്മാണത്തിനായി ഭക്തരില് നിന്ന് സംഭാവനയായി ലഭിച്ച സ്വര്ണം പൂര്ണമായും ഇതിനായിത്തന്നെ
Whatsapp Group 1 | Whatsapp Group 2 |Telegram Group
ഉപയോഗിച്ചുവെന്നും രേഖകളില്ലാതെ സ്വര്ണം കൈപ്പറ്റിയതിന് യാതൊരുവിധ തെളിവുകളുമില്ലെന്നും വിജിലന്സ് റിപ്പോര്ട്ടില് വ്യക്തമാക്കിയിരുന്നു. ഇത് പരിശോധിച്ച ശേഷം നടപടികള് അവസാനിപ്പിക്കാന് തീരുമാനിക്കുകയായിരുന്നു.
