തിരുവനന്തപുരം: ശബരിമല സ്വർണക്കൊള്ളയില് രണ്ടുപേർക്കുകൂടി നോട്ടീസയച്ച് എൻഫോഴ്സ്മെന്റ് ഡയറക്ടറേറ്റ് (ഇഡി).
മുന് ദേവസ്വം സെക്രട്ടറി എസ് ജയശ്രീ, സ്വര്ണക്കൊള്ളയിലെ ഇടനിലക്കാരന് കല്പേഷ് എന്നിവര്ക്കാണ് നോട്ടീസയച്ചത്. അടുത്തയാഴ്ച ചോദ്യം ചെയ്യലിന് ഹാജരാകണമെന്നാവശ്യപ്പെട്ടാണ് ഇഡി നോട്ടീസ് അയച്ചിരിക്കുന്നത്.
ചെന്നൈയിലെ സ്മാര്ട്ട് ക്രിയേഷന്സില് നിന്നും സ്വര്ണം അടങ്ങിയ കവര് ബെല്ലാരിയിലെ ജുവലറി ഉടമയും കേസിലെ പ്രതിയുമായ ഗോവർദ്ധന് നല്കിയത് കല്പേഷായിരുന്നു. മിനിട്സില് തിരുത്തല് നടത്തിയെന്നായിരുന്നു ജയശ്രീക്കെതിരായ കണ്ടെത്തല്.
Whatsapp Group 1 | Whatsapp Group 2 |Telegram Group
ശബരിമല സ്വർണക്കൊള്ളയില് നടൻ ജയറാമിനെ 17ന് ഇഡി ചോദ്യം ചെയ്യും. കടവന്ത്രയിലെ ഓഫീസില് ഹാജരാകാനാണ് നോട്ടീസ് നല്കിയത്. അറ്റകുറ്റപ്പണികള്ക്കായി മുഖ്യപ്രതി ഉണ്ണികൃഷ്ണൻ പോറ്റി കൊണ്ടുപോയ ശബരിമലയിലെ വാതില്പ്പാളികള് ജയറാമിന്റെ ചെന്നൈയിലെ വീട്ടിലെത്തിച്ച് പൂജ നടത്തിയിരുന്നു. പോറ്റിയുമായി ദീർഘകാല പരിചയം ജയറാമിനുണ്ട്. ഇവ സംബന്ധിച്ച വിശദീകരണമാണ് ഇഡി തേടുക. ഇരുവരും തമ്മില് പണിമിടപാടുകള് നടന്നിട്ടുണ്ടോയെന്നും പരിശോധിക്കുന്നുണ്ട്. ശബരിമലയില് വച്ചാണ് പോറ്റിയെ പരിചയപ്പെട്ടതെന്നും മറ്റു ബന്ധങ്ങളില്ലെന്നുമാണ് ജയറാം നേരത്തെ വിശദീകരിച്ചത്.
