പത്തനംതിട്ട: ശബരിമലയിലെ വഴിപാട് ആവശ്യത്തിനുള്ള തേൻ വിതരണത്തില് ഗുരുതരമായ വീഴ്ച നടന്നതായി ദേവസ്വം വിജിലൻസ് കണ്ടെത്തി.
സാധാരണ ഫോമിക് ആസിഡ് സംഭരിക്കുന്നതിനായി ഉപയോഗിക്കുന്ന കണ്ടെയ്നറുകളിലാണ് കരാർ നേടിയ സ്ഥാപനമായ പൊതുമേഖലാ സ്ഥാപനമായ റയ്ഡ്കോ തേൻ എത്തിച്ചതെന്ന് പരിശോധിച്ചപ്പോള് വ്യക്തമായി. തുടർന്ന് ആ തേൻ മുഴുവനും ഉപയോഗിക്കാതെ മാറ്റിവെക്കുകയായിരുന്നു.
അഭിഷേകത്തിനും ദർശനത്തിനുമായി പഴയ സ്റ്റോക്കില് ഉണ്ടായിരുന്ന തേൻ തന്നെയാണ് ഇപ്പോള് ഉപയോഗിക്കുന്നത്.
വിജിലൻസ് റിപ്പോർട്ടിനെ തുടര്ന്ന് റയ്ഡ്കോയ്ക്കെതിരെ നടപടിയെടുക്കുന്നതിനുള്ള പ്രാഥമിക പ്രവർത്തനങ്ങള് ആരംഭിച്ചു.
Whatsapp Group 1 | Whatsapp Group 2 |Telegram Group
തെറ്റായ കണ്ടെയ്നറുകളില് തേൻ എത്തിച്ചതിനെക്കുറിച്ച് വിശദീകരണം ആവശ്യപ്പെട്ട് ശബരിമല എക്സിക്യൂട്ടീവ് ഓഫീസർ ഒ.ജി. ബൈജു കാരണം കാണിക്കല് നോട്ടീസ് അയച്ചതായി വ്യക്തമാക്കി. മറുപടി ലഭിച്ചതിന് ശേഷം മാത്രമേ തുടർ നടപടി സ്വീകരിക്കുകയുള്ളുവെന്നും അദ്ദേഹം പറഞ്ഞു.
ഇതിനൊപ്പം, ഈ തേൻ എത്തിച്ച കണ്ടെയ്നറുകള് കൂടുതല് പരിശോധനയ്ക്കായി മാറ്റി വെച്ചിരിക്കുകയാണ്.
