തിരുവനന്തപുരം: ശബരിമല സ്വർണക്കൊള്ളക്കേസില് അന്വേഷണ പുരോഗതി റിപ്പോർട്ട് എസ്ഐടി ഇന്ന് ഹൈക്കോടതിയില് സമർപ്പിക്കും.
ദേവസ്വം ബെഞ്ചാണ് സ്വമേധയ എടുത്ത കേസ് പരിഗണിക്കുന്നത്. ഇതുവരെ അറസ്റ്റ് ചെയ്തവരുടെ വിവരങ്ങള്, പുതിയ കണ്ടെത്തലുകള് എല്ലാം കോടതി പരിഗണിക്കും.
നേരത്തെ ജാമ്യം ഹർജിയില് ഉത്തരവ് പറയവേ എസ്ഐടിയെ ഹൈക്കോടതി രൂക്ഷമായി വിമർശിച്ചിരുന്നു.
ഇതിനിടെ ശബരിമല സ്വർണ്ണകടത്ത് കേസില് ദിണ്ഡിഗല് മണിയെ എസ്ഐടി ഇന്ന് ചോദ്യം ചെയ്യും. കഴിഞ്ഞ ദിവസം മണിയുടെ ഓഫീസില് എസ്ഐടി പരിശോധന നടത്തിയിരുന്നു.
Whatsapp Group 1 | Whatsapp Group 2 |Telegram Group
പോറ്റിയെ അറിയില്ലെന്നും, കള്ളക്കടത്ത് ബന്ധമില്ലെന്നുമായിരുന്നു പൊലീസിനോടുള്ള മണിയുടെ പ്രതികരണം. എന്നാല്, എസ്ഐടി പിടിമുറുക്കിയതിന് പിന്നാലെ ഇന്ന് ഹാജരാകാമെന്ന് മണി ഉറപ്പ് നല്കി.
മണിക്ക് സിം കാർഡ് എടുത്ത് കൊടുത്തവരും ഇന്ന് ഹാജരാകും. ശബരിമല ഉള്പ്പെടെ കേരളത്തിലെ ക്ഷേത്രങ്ങളില് നിന്നുള്ള ഉരുപ്പടികള് മണി ഉള്പ്പെടുന്ന സംഘം കടത്തിയിട്ടുണ്ടോ എന്ന കാര്യത്തില് ഇന്നത്തെ ചോദ്യം ചെയ്യല് നിർണായകമാണ്.
