കൊല്ലം: ശബരിമല സ്വർണ്ണക്കൊള്ളയുമായി ബന്ധപ്പെട്ട് വിഎസ്എസ്സി നടത്തിയ ശാസ്ത്രീയ പരിശോധന ഫലം ഇന്ന് അന്വേഷണ സംഘത്തിന് കൈമാറും.
ഇന്നലെയാണ് വിഎസ്എസ്സിയില് നിന്നും ശാസ്ത്രീയ പരിശോധനാഫലം സീല് വെച്ച കവറില് കൊല്ലം വിജിലൻസ് കോടതിയില് നല്കിയത്. ആ റിപ്പോർട്ടാണ് ഇന്ന് കോടതി എസ്ഐടിക്ക് കൈമാറുന്നത്. ഈ റിപ്പോർട്ട് വിശദമായി പരിശോധിച്ച ശേഷമായിരിക്കും തുടർനടപടികള് സ്വീകരിക്കുക.
പത്തൊൻപതാം തീയതി ഹൈക്കോടതിയില് കൊടുക്കുന്ന അന്വേഷണ പുരോഗതി റിപ്പോർട്ടില് ഈ ശാസ്ത്രീയ അന്വേഷണഫല റിപ്പോർട്ടും ഉള്പ്പെടുത്തും. അന്വേഷണത്തിന്റെ ഗതി തന്നെ നിർണ്ണയിക്കുന്ന റിപ്പോർട്ടാണ് വിഎസ്എസ്സി കൈമാറിയിരിക്കുന്നത്.
Whatsapp Group 1 | Whatsapp Group 2 |Telegram Group
സ്വർണ്ണപാളികള് മാറ്റിയോ, ശബരിമലയില് ഇപ്പോഴുള്ളത് പഴയപാളികളാണോ അതോ പുതിയ പാളികളാണോ, പാളികളിലെ സ്വർണ്ണത്തിന്റെ അളവ് തുടങ്ങിയവ നിർണ്ണയിക്കുന്ന പരിശോധനയാണ് നിലവില് നടത്തിയിട്ടുള്ളത്.
