കൊച്ചി: ശബരിമല സ്വര്ണ്ണക്കൊള്ളയില് എസ്ഐടി അന്വേഷണ പുരോഗതി റിപ്പോര്ട്ട് ഇന്ന് ഹൈക്കോടതിയില് സമര്പ്പിച്ചു. കോടതി അന്വേഷണത്തിന് കൂടുതല് സമയം അനുവദിച്ചു നൽകി .
ഈ മാസം അവസാനം വരെയാണ് ദേവസ്വം ബെഞ്ച് സമയം അനുവദിച്ചത്. നേരത്തെ ജനുവരി 17 വരെയാണ് അന്വേഷണം പൂര്ത്തിയാക്കാന് സമയം അനുവദിച്ചിരുന്നത്. എന്നാല് അന്വേഷണം പൂര്ത്തിയാക്കാന് കൂടുതല് സമയം അനുവദിക്കണമെന്ന് എസ്ഐടി കോടതിയില് ആവശ്യപ്പെടുകയായിരുന്നു.
അന്വേഷണത്തിന് നേതൃത്വം നൽകുന്ന എസ്പി ശശിധരന് നേരിട്ട് ഹാജരായാണ് നാലാമത്തെ ഇടക്കാല റിപ്പോര്ട്ട് നല്കിയത്. ഡിസംബര് മൂന്നിന് കേസ് പരിഗണിച്ച കോടതി സിപിഎം നേതാവ് പത്മകുമാറിന്റെ അറസ്റ്റിനു ശേഷമുള്ള മെല്ലെ പോക്കിനെ വിമര്ശിച്ചിരുന്നു. വന് തോക്കുകളിലേക്ക് അന്വേഷണം പോകാത്തത് എന്തുകൊണ്ടെന്ന ചോദ്യവും ഉയര്ത്തിയിരുന്നു. ഇക്കാര്യത്തില് അന്വേഷണസംഘം സ്വീകരിച്ച നടപടികള് റിപ്പോര്ട്ടില് ഉള്ക്കൊള്ളിച്ചിട്ടുണ്ട്.
Whatsapp Group 1 | Whatsapp Group 2 |Telegram Group