മുക്കുപ്പണ്ടം പണയം വെച്ച് ധനകാര്യ സ്ഥാപനത്തിൽ നിന്ന് 14 ലക്ഷം രൂപ തട്ടിയെടുത്ത പ്രതി അറസ്റ്റിൽ

കൊല്ലം: മുക്കുപണ്ടം പണയം വെച്ച് ധനകാര്യ സ്ഥാപനത്തിൽ നിന്ന് പണം തട്ടിയ പ്രതി പിടിയിൽ. ആദിനാട് സ്വദേശി പ്രതാപ് ചന്ദ്രനെയാണ് കരുനാഗപ്പള്ളി പോലീസ് അറസ്റ്റ് ചെയ്തത്. വിവിധ ബ്രാഞ്ചുകളിൽ നിന്നായി 14 ലക്ഷം രൂപയാണ് മുക്കുപണ്ടം പണയം വെച്ച് തട്ടിയെടുത്തത്.

ഓച്ചിറ ഹൗസിംഗ് സഹകരണ സംഘത്തിന്റെ ആദിനാട്, കുലശേഖരം സർവീസ് സഹകരണ സൊസൈറ്റി, അമ്പനാട്ട്മുക്ക്, പുത്തൻതെരുവ് എന്നിവിടങ്ങളിലുള്ള ബ്രാഞ്ചുകളിലാണ്  പണയം വെച്ചത്.

ധനകാര്യ സ്ഥാപനങ്ങളിൽ പണയം വെക്കുന്ന സ്വർണം പരിശോധിക്കുന്ന ജോലി ചെയ്യുന്ന വ്യക്തിയാണ് മുക്കുപണ്ടം പണയം വെച്ച് പണം തട്ടിയത്. വാർഷിക ഓഡിറ്റ് വന്നതോടെയാണ് പ്രതി കുടുങ്ങിയത്. കരുനാഗപ്പള്ളി പോലീസ് ഇൻസ്പെക്ടർ ബിജുവിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.