അധികൃതര്‍ അവഗണിച്ചു ; ഉപഭോക്താക്കളില്‍നിന്നും സംഭാവനകള്‍ സ്വീകരിച്ച് റോഡ് നന്നാക്കാന്‍ നാട്ടുകാര്‍ കൈകോര്‍ത്തു; നാട്ടുകാർ റോഡ് പണിതത് ഭരണങ്ങാനം കാഞ്ഞിരമലയിൽ

പാലാ : കടനാട്, ഭരണങ്ങാനം പഞ്ചായത്തുകളെ ബന്ധിപ്പിച്ച്‌ കടന്നുപോകുന്ന വെള്ളക്കല്ല്-കാഞ്ഞിരമല റോഡ് നാട്ടുകാര്‍ തന്നെ നന്നാക്കി. റോഡിന്‍റെ ശോച്യാവസ്ഥ അധികൃതരെ അറിയിച്ചെങ്കിലും നടപടിയുണ്ടാകാത്ത സാഹചര്യത്തിലാണ് നാട്ടുകാര്‍ കൈകോര്‍ത്തത്. റോഡിലുടെ സഞ്ചരിക്കാന്‍ പറ്റാത്ത അവസ്ഥയിലായിരുന്നു. തുടര്‍ന്ന് നാട്ടുകാര്‍ സഹകരിച്ച്‌ റോഡ് കോണ്‍ക്രീറ്റിംഗ് നടത്തി.

ഉപഭോക്താക്കളില്‍നിന്നും സംഭാവനകള്‍ സ്വീകരിച്ചായിരുന്നു നിര്‍മാണം. വില്‍സണ്‍ പുന്നാംകണ്ടം, ആശോകന്‍ വാഴകാട്ട്, പ്രദീപ് പാറശേരില്‍, ജോസ് വെട്ടികുഴി, സുധാകരന്‍ മരോട്ടിക്കല്‍, ജോസ് മടപ്പറമ്ബില്‍ തുടങ്ങിയവര്‍ നേതൃത്വം നല്‍കി. കടനാട് പഞ്ചായത്ത് എട്ടാം വാര്‍ഡിലാണ് ഈ റോഡ്.

വാര്‍ഡ് മെമ്പർ അടക്കമുള്ളവരാണ് സംഭാവന നല്‍കിയത്. വരവുചെലവു കണക്കുകള്‍ ഫ്‌ളക്‌സ് അടിച്ച്‌ പ്രദര്‍ശിപ്പിച്ചിട്ടുമുണ്ട്.