കോട്ടയം ചുങ്കത്ത് വൻമരം റോഡിലേക്ക് മറിഞ്ഞുവീണു;ഗതാഗതം പൂർണ്ണമായി സ്തംഭിച്ചു

കോട്ടയം: കോട്ടയം ചുങ്കം മെഡിക്കൽ കോളേജ് റോഡിലെ ചുങ്കം പാലത്തിന് സമീപം നിന്നിരുന്ന വൻമരം റോഡിലേക്ക് മറിഞ്ഞുവീണ് ഗതാഗതം സ്തംഭിച്ചു. മെഡിക്കൽ കോളേജ് ഭാഗത്തേക്ക് പോകുന്ന യാത്രക്കാർ വഴി മാറി പോകേണ്ടതാണ്.

കോട്ടയത്ത് നിന്നുള്ള ഫയർഫോഴ്സും പോലീസ് സംഘവും സ്ഥലത്തെത്തി മരം മുറിച്ചു മാറ്റുകയാണ് .

മരം അപകടാവസ്ഥയിലാണെന്ന് കാണിച്ച് നിരവധി തവണ മാധ്യമങ്ങൾ വാർത്ത പ്രസിദ്ധീകരിച്ചിരുന്നു . എന്നാൽ മരം മുറിച്ചു മാറ്റുന്നതിന് ജില്ലാ ഭരണകൂടവും ദുരന്തനിവാരണ അതോറിറ്റിയും  തയ്യാറായില്ല. ഇന്ന് പുലർച്ചയാണ് വന്മരം റോഡിലേക്ക് വീണത് .