കോട്ടയം: ഇനി മധുരം കഴിക്കാൻ തോന്നുമ്പോള്‍ ഇതൊന്ന് ട്രൈ ചെയ്തുനോക്കൂ.. രുചികരമായ ഒരു പുഡ്ഡിംഗ് ഉണ്ടാക്കാം. സ്വാദൂറും റവ പുഡ്ഡിംഗ് റെസിപ്പി നോക്കാം.
ആവശ്യമായ ചേരുവകള്‍
റവ – 1 1/2 ടേബിള്‍സ്പൂണ്‍
പാല്‍ – 2 1/2 കപ്പ്
പഞ്ചസാര – 1/2 കപ്പ്
ഉപ്പ് – 1 നുള്ള്
ജെലാറ്റിൻ – 1 ടേബിള്‍സ്പൂണ്‍
നാരങ്ങത്തൊലി – 1 നാരങ്ങ
മുട്ടയുടെ വെള്ള – 2
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
കുറച്ചു പാലിലേയ്ക്ക് റവ കലക്കി വയ്ക്കാം. ബാക്കി വന്ന പാല്‍ അടുപ്പില്‍ വച്ചു തിളപ്പിക്കാം. ഇതിലേയ്ക്ക് റവ കലക്കിയതും പഞ്ചസാരയും, ഒരു നുള്ള് ഉപ്പും ചേർക്കാം. ഒരു ടേബിള്‍സ്പൂണ്‍ ജെലാറ്റിൻ തിളയ്ക്കുന്ന വെള്ളത്തിനു മുകളില്‍ വച്ച്‌ അലിയിക്കാം. ഇത് പാലിലേയ്ക്കു ചേർക്കാം. ഒരു നാരങ്ങ പിഴിഞ്ഞതും, ഒപ്പം നാരങ്ങയുടെ തൊലി ഗ്രേറ്റ് ചെയ്തതും ചേർത്തിളക്കാം. തീ കുറച്ചു വയ്ക്കാം. രണ്ട് മുട്ടയുടെ വെള്ളയും ചേർത്ത് യോജിപ്പിക്കാം. കുറുകി വരുമ്ബോള്‍ അടുപ്പണയ്ക്കാം. ഇത് മോള്‍ഡ് പാത്രത്തിലേയ്ക്കു മാറ്റി ഒരു മണിക്കൂർ എങ്കിലും ഫ്രിഡ്ജില്‍ സൂക്ഷിക്കാം.
