പീഡനക്കേസിൽ പ്രമുഖ യൂട്യൂബർ അറസ്റ്റിൽ: ഇൻസ്റ്റഗ്രാം വഴി സൗഹൃദം സ്ഥാപിച്ച് യുവതിയുടെ സ്വകാര്യ ദൃശ്യങ്ങൾ സമൂഹമാധ്യമങ്ങൾ പ്രചരിപ്പിക്കുമെന്ന് ഭീഷണി

കളമശ്ശേരി: ബലാത്സംഗകേസില്‍ യൂട്യൂബറെ പോലീസ് അറസ്റ്റ് ചെയ്തു. മലപ്പുറം തിരൂർ സ്വദേശി മുഹമ്മദ് നിഷാല്‍ (25) ആണ് പിടിയിലായത്.

ഇന്‍സ്റ്റഗ്രാം വഴി പരിചയപ്പെട്ട യുവതിയെ വിവാഹ വാഗ്ദാനം നല്‍കി നഗ്ന ഫോട്ടോകളും വീഡിയോകളും പകര്‍ത്തി സമൂഹ മാധ്യമങ്ങള്‍ വഴി പ്രചരിപ്പിക്കുമെന്ന് ഭീഷണിപ്പെടുത്തിയ കേസിലാണ് അറസ്റ്റ്. യുവതിയുടെ പരാതിയിൽ കളമശ്ശേരി പോലീസ് കേസെടുക്കുകയായിരുന്നു.

തുടർന്ന് ഇൻസ്‌പെക്ടർ എം ബി ലത്തീഫിന്റെ നേതൃത്വത്തിലുള്ള സംഘം പ്രതിയെ കോഴിക്കോട് നിന്നും പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.