കാസർഗോഡ്: കാസർഗോഡ് ഒൻപതു വയസ്സുകാരിയെ പീഡിപ്പിക്കാൻ ശ്രമിച്ചയാള് പിടിയില്. കൊടക്കാട് വെള്ളച്ചാല് സി.പി. ഖാലിദിനെയാണ് (59) നീലേശ്വരം പൊലീസ് പോക്സോ നിയമപ്രകാരം അറസ്റ്റ് ചെയ്തത്.
ഇയാൾ പിരിവിനെന്നു പറഞ്ഞാണ് പെൺകുട്ടിയുടെ വീട്ടിലെത്തിയത്. വീട്ടില് താൻ മാത്രമേ ഉള്ളൂവെന്നും കയ്യില് പണമില്ലെന്നും പെണ്കുട്ടി ഇയാളോടു പറഞ്ഞു. ഈ സമയം ഇയാള് പെണ്കുട്ടിയെ കയറിപ്പിടിക്കുകയായിരുന്നു. ഇതോടെ പെണ്കുട്ടി നിലവിളിച്ചു. ബഹളം കേട്ട് വീടിനടുത്തുണ്ടായിരുന്ന കുട്ടിയുടെ ഉമ്മയും സമീപവാസികളും ഓടിയെത്തി. ഖാലിദിനെ പിടികൂടിയ നാട്ടുകാർ കൈകാര്യം ചെയ്തശേഷമാണ് പൊലീസിനെ ഏല്പ്പിച്ചത്. പെണ്കുട്ടിയുടെ പരാതിയുടെ അടിസ്ഥാനത്തിലാണ് അറസ്റ്റ്.
