അമ്മ ഉപേക്ഷിച്ച 15കാരിയെ വിവാഹ വാഗ്ദാനം നല്‍കി പീഡിപ്പിച്ചു; 30കാരന് 66 വര്‍ഷം കഠിനതടവും പിഴയും

സ്വന്തം ലേഖിക

ആലപ്പുഴ: 15കാരിയെ വിവാഹവാഗ്ദാനം നല്‍കി പീഡിപ്പിച്ച കേസില്‍ യുവാവിനെ 66 വര്‍ഷം കഠിനതടവും പിഴ ശിക്ഷയ്ക്കും വിധിച്ചു.

1.8 ലക്ഷം രൂപയാണ് പിഴ ശിക്ഷ വിധിച്ചത്. വള്ളികുന്നം അജ്മല്‍ ഹൗസില്‍ നിസാമുദ്ദിനയാണ് (30) ശിക്ഷിച്ചത്.

ഹരിപ്പാട് അതിവേഗ കോടതി സ്പെഷ്യല്‍ ജഡ്ജി എസ്. സജികുമാറാണ് ശിക്ഷ വിധിച്ചത്.

മാതാവ് ഉപേക്ഷിച്ചു പോവുകയും പിതാവ് ജയിലിലാവുകയും ചെയ്ത പെണ്‍കുട്ടി അമ്മൂമ്മയൊടൊപ്പമായിരുന്നു താമസിച്ചിരുന്നത്.

പ്രതി നിരന്തരം കുട്ടിയെ ലൈംഗികമായി പീഡിപ്പിച്ചിരുന്നതായി കണ്ടെത്തിയിരുന്നു.
കേസില്‍ 24 സാക്ഷികളെ വിസ്തരിച്ചു.