അമ്മയെ കൊല്ലുമെന്ന് ഭീഷണിപ്പെടുത്തി 12കാരിയെ രണ്ട് മാസത്തോളം വീട്ടിൽവച്ച് നിരന്തരം പീഡിപ്പിച്ചു; സംഭവത്തിൽ സ്ത്രീയെ കയ്യേറ്റം ചെയ്ത കേസിലെ ഒന്നാം പ്രതിയായ 38കാരൻ പിടിയിൽ

തിരുവല്ല: അമ്മയെ കൊല്ലുമെന്ന് ഭീഷണിപ്പെടുത്തി 12 വയസ്സുകാരിയെ നിരന്തരമായി പീഡിപ്പിച്ച കേസിൽ യുവാവ് പിടിയിൽ.

കവിയൂർ കോട്ടൂർ പുന്നിലം വലിയ പറമ്പില്‍ വീട്ടില്‍ രഞ്ജിത്ത് വി രാജൻ ( 38) ആണ് അറസ്റ്റിലായത്. ഓഗസ്റ്റ്, ഒക്ടോബർ മാസങ്ങളിലായി വീട്ടില്‍ വച്ചായിരുന്നു ഇയാള്‍ കുട്ടിയെ പീഡിപ്പിച്ചിരുന്നത്.

പെണ്‍കുട്ടിയുടെ പെരുമാറ്റത്തില്‍ അസ്വാഭാവികത തോന്നിയ അടുത്ത ബന്ധു വാണ് പോലീസില്‍ പരാതി നല്‍കിയത്. പരാതിയെ തുടർന്ന് തിരുവല്ല സിഐ ബി കെ സുനില്‍ കൃഷ്ണന്റെ നേതൃത്വത്തിലുള്ള പോലീസ് സംഘമാണ് ഇയാളെ അറസ്റ്റ് ചെയ്തത്.

2015ല്‍ സ്ത്രീയെ കയ്യേറ്റം ചെയ്തു എന്ന കേസിലെ ഒന്നാം പ്രതി കൂടിയാണ് പിടിയിലായ രഞ്ജിത്ത്. കോടതിയില്‍ ഹാജരാക്കിയ പ്രതിയെ റിമാൻ്റ് ചെയ്തു. കുട്ടി ചികിത്സയിലാണ്. കുട്ടിക്ക് കൗണ്‍സിലിംഗ് നല്‍കുമെന്ന് പോലീസ് അറിയിച്ചു.