അബോഹര്‍: പഞ്ചാബിലെ ഫാസില്‍ക്ക ജില്ലയിലെ അബോഹറില്‍ എട്ട് വയസ്സുള്ള പെണ്‍കുട്ടിയെ 70 വയസ്സുകാരന്‍ ബലാത്സംഗം ചെയ്തതായി പരാതി.
ഫാസില്‍ക്കയില്‍ നിന്നെത്തിയ പെൺകുട്ടിയും കുടുംബം കുറച്ചു കാലമായി ഈ പ്രദേശത്തെ ഒരു വാടക വീട്ടിലാണ് താമസിക്കുന്നത്. ഉച്ചകഴിഞ്ഞ് മൂന്ന് മണിക്ക് മകള്‍ വീട്ടില്‍ നിന്ന് അല്‍പ്പം അകലെയുള്ള ഒരു അയല്‍വാസിയുടെ വീട്ടില്‍ കളിക്കാന്‍ പോയിരുന്നതായി പെൺകുട്ടിയുടെ മാതാപിതാക്കള്‍ പറയുന്നു.
കുറച്ചു സമയത്തിനു ശേഷം വീട്ടിലേക്ക് തിരിച്ചെത്തിയ പെൺകുട്ടി തനിക്ക് കഠിനമായ വയറുവേദന അനുഭവപ്പെടുന്നുണ്ടെന്ന് അമ്മയോട് പറഞ്ഞു. കാരണം തിരക്കിയപ്പോൾ, തന്നോട് അയല്‍ക്കാരന്‍ മോശമായി പെരുമാറിയെന്നും പെൺകുട്ടി കരഞ്ഞുകൊണ്ട് പറഞ്ഞു. കൂടാതെ കുട്ടിയെ അമ്മ പരിശോധിച്ചപ്പോള്‍ പെണ്‍കുട്ടിയുടെ വസ്ത്രങ്ങളില്‍ രക്തവും കണ്ടെത്തി. ഇതോടെ പെൺകുട്ടിയെ ഉടന്‍ തന്നെ ചികിത്സയ്ക്കായി ആശുപത്രിയില്‍ പ്രവേശിപ്പിച്ചു.
Whatsapp Group 1 | Whatsapp Group 2 |Telegram Group
പ്രാഥമിക അന്വേഷണത്തില്‍ പെണ്‍കുട്ടി പീഡനത്തിന് ഇരയായതായി കണ്ടെത്തി. സാമ്ബിളുകള്‍ എടുത്ത് പരിശോധനയ്ക്ക് അയച്ചതായി ആശുപത്രി ഡോക്ടര്‍ ശില്‍പ പറഞ്ഞു.
