ബോളിവുഡ് താരം രാംചരൺ മലയാളത്തിൽ അടക്കം നിരവധി ആരാധകർ ഉള്ള നടൻ ആണ്. താരത്തിനെയും ഭാര്യയെയും കുറിച്ച് മോശം പരാമർശം നടത്തിയ ഒരു വ്യക്തിയെ ആരാധകർ കയ്യേറ്റം ചെയ്തു എന്ന വാർത്തയാണ് പുറത്ത് വരുന്നത്

സ്വന്തം ലേഖകൻ

നടന്‍ രാംചരണിനെയും ഭാര്യ ഉപാസനയെയും സമൂഹമാധ്യമത്തിലൂടെ അധിക്ഷേപിച്ചുവെന്നാരോപിച്ച്‌ യുവാവിനെ വളഞ്ഞിട്ട് അക്രമിച്ച്‌ ആരാധകര്‍.

യുവാവിനെ ആക്രമിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ വൈറലാണ്. സുനിഷ്ട് എന്ന യുവാവിനെയാണ് രാംചരണിന്‍റെ ആരാധകര്‍ ആക്രമിച്ചത്. രാംചരണിന്‍റെ സുഹൃത്താണെന്ന് അവകാശപ്പെട്ട് ഒരു മാധ്യമത്തിന് നല്‍കിയ അഭിമുഖത്തിലാണ് സുനിഷ്ട് മോശം പരാമര്‍ശം നടത്തിയത്.

ഉപാസന എന്‍റെ സുഹൃത്താണ്. രാംചരണും അതെ. ഉപാസനയ്ക്ക് ഓഡി ഇലക്‌ട്രിക് കാറുണ്ട്. അതില്‍ ഞങ്ങള്‍ ഗോവയിലേക്ക് പോയിരുന്നു. ഒരിക്കല്‍ രാം ചരണ്‍ എന്നോട് വെറുതെ ചോദിച്ചു, ഉപാസനയെ പ്രണയത്തില്‍ വീഴ്ത്താമോ എന്ന്.

സുനിഷ്ടിന്‍റെ ഈ വാക്കുകള്‍ സമൂഹമാധ്യമങ്ങളില്‍ പ്രചരിച്ചതോടെയാണ് ഇയാളെ കായികമായി രാംചരണ്‍ ആരാധകര്‍ കൈകാര്യം ചെയ്തത്.