ചൂഷകനല്ലാത്ത എംഎല്‍എ വേണമെന്നത് പാലക്കാടിന്‍റെ അവകാശമാണ്; രാഹുല്‍ മാങ്കൂട്ടത്തില്‍ രാജിവച്ചില്ലെങ്കില്‍ ബിജെപി ചെയ്യേണ്ടത് ചെയ്യും: ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ

രാഹുല്‍ മാങ്കൂട്ടത്തില്‍ എംഎല്‍എ സ്ഥാനം രാജിവയ്ക്കണമെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ.ഇത്തരം വിഷയങ്ങള്‍ കോണ്‍ഗ്രസിന്‍റെ ഡിഎൻഎയില്‍ ഉള്ളതാണെന്നും അദ്ദേഹം പറഞ്ഞു.

ചൂഷകനല്ലാത്ത എംഎല്‍എ വേണമെന്നത് പാലക്കാടിന്‍റെ അവകാശമാണ്. രാഹുല്‍ മാങ്കൂട്ടത്തില്‍ രാജിവച്ചില്ലെങ്കില്‍ ബിജെപി ചെയ്യേണ്ടത് ചെയ്യുമെന്നും രാജീവ് പറഞ്ഞു.

അതേസമയം ശബരിമലയില്‍ നടക്കുന്ന ആഗോള അയ്യപ്പ സംഗമത്തിലും അദ്ദേഹം പ്രതികരിച്ചു. സിപിഎമ്മും പിണറായി വിജയനും അയ്യപ്പ സംഗമം നടത്തുന്നു, മുഖ്യതിഥിയായി സ്റ്റാലിനും. ചിരിക്കണോ കരയണോ എന്നറിയില്ലെന്നും അദ്ദേഹം പറഞ്ഞു. ശബരിമലയില്‍ ഇടത് സർക്കാർ ചെയ്തത് ജനങ്ങള്‍ മറന്നിട്ടില്ലെന്നും ഇതിലൂടെ തെരഞ്ഞെടുപ്പ് കാലത്ത് ജനങ്ങളെ വിഡ്ഢിയാക്കാൻ ശ്രമിക്കുകയാണെന്നും രാജീവ് ചന്ദ്രശേഖർ കൂട്ടിച്ചേർത്തു.