ജയ്പൂര്: ഒടുവില് രാജസ്ഥാന് റോയല്സും ഐപിഎല്ലില് വീണിരിക്കുകയാണ്.
തുടര്ച്ചയായ അഞ്ചാം വിജയമെന്ന നേട്ടത്തിനു തൊട്ടരികെ വരെയെത്തിയ ശേഷമാണ് സഞ്ജു സാംസണും സംഘവും കളി കൈവിട്ടത്.
അവസാനത്തെ മൂന്നോവറുകളിലെ മോശം ബൗളിങാണ് റോയല്സിനെ ചതിച്ചത്.
197 റണ്സെന്ന വലിയ വിജയലക്ഷ്യത്തിലേക്കു ബാറ്റ് വീശിയ ജിടി ഏഴു വിക്കറ്റ് നഷ്ടത്തില് അവസാന ബോളില് വിജയ റണ്സ് കുറിക്കുകയായിരുന്നു. ആവേശ് ഖാനെറിഞ്ഞ 20ാം ഓവറില് ജയിക്കാന് 15 റണ്സായിരുന്നു ജിടിക്കു ജയിക്കാന് വേണ്ടിയിരുന്നത്.
Whatsapp Group 1 | Whatsapp Group 2 |Telegram Group
ആദ്യ ബോളിലും മൂന്നാമത്തെ ബോളിലും റാഷിദ് ഖാന് ഫോറുകള് പായിച്ചതോടെ ജിടിക്കു കാര്യങ്ങള് എളുപ്പമായി. അഞ്ചാമത്തെ ബോളില് രാഹുല് തെവാത്തിയ മടങ്ങുമ്പോള് ജിടിക്കു അവസാന ബോളില് ജയിക്കാന് വേണ്ടത് രണ്ടു റണ്സ് മാത്രം.
ബൗണ്ടറി പായിച്ച് റാഷിദ് ടീമിന്റെ വിജയ റണ്സും കുറിച്ചു. 11 ബോളില് 24 റണ്സുമായി റാഷിദ് പുറത്താവാതെ നിന്നു. തെവാത്തിയ 11 ബോളില് 22 റണ്സുമെടുത്തു. ഈ ജോടിയാണ് ജിടിയുടെ വിജയശില്പ്പികള്.
