ഏഴു ജില്ലകളിൽ യെല്ലോ അലർട്ട് ; 24 മണിക്കൂറിൽ 115 മില്ലിമീറ്റർ വരെ മഴ ലഭിച്ചേക്കും

സ്വന്തം ലേഖകൻ

തിരുവനന്തപുരം : കേരളത്തിലെ ഏഴു ജില്ലകളിൽ ഇന്ന് (വ്യാഴം) യെല്ലോ അലർട്ട് പ്രഖ്യാപിച്ച് കേന്ദ്ര കാലാവസ്ഥ വകുപ്പ്. ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലും നാളെ മലപ്പുറം കണ്ണൂർ ജില്ലകളിലും ആണ് അലർട്ട് പ്രഖ്യാപിച്ചിട്ടുള്ളത്.

കേരളത്തിൽ അടുത്ത് അഞ്ചുദിവസം മിതമായ മഴയ്ക്ക് സാധ്യതയുണ്ട്. 24 മണിക്കൂർ 64.5 മില്ലിമീറ്റർ മുതൽ 115.5 മില്ലിമീറ്റർ വരെ ലഭിച്ചേക്കും.

തെക്ക് കിഴക്കൻ ജാർഖണ്ഡിനു മുകളിൽ ന്യൂനമർദ്ദം സ്ഥിതി ചെയ്യുന്നുണ്ട്. അടുത്ത രണ്ടുദിവസം ജാർഖണ്ഡിനും തെക്കൻ ബീഹാറിനും മുകളിലൂടെ അത് നീങ്ങാനാണ് സാധ്യതയെന്നും കാലാവസ്ഥ കേന്ദ്രം അറിയിച്ചു.