റിയാദ് : സൗദി അറേബ്യയിൽ ഇടിമിന്നലില്‍ 72 ആടുകള്‍ ചത്തു. അല്‍ അഹ്മല്‍ ഗ്രാമത്തിലാണ് ശക്തമായ ഇടിമിന്നലുണ്ടായത്. ഇടിമിന്നലുണ്ടായപ്പോള്‍ ആട്ടിന്‍ കൂട്ടം മരത്തിനടിയിലായിരുന്നു. മഴക്കിടെ മരത്തിന് താഴെ കൂട്ടത്തോടെ നില്‍ക്കുന്നതിനിടെയാണ് ആടുകള്‍ക്ക് ഇടിമിന്നലേറ്റത്.
താൻ വളത്തിയിരുന്ന 72 ആടുകളും ചത്തെന്നും ഒരു ആടു പോലും ബാക്കിയില്ലെന്നും ഉടമയായ സൗദി പൗരന്‍ മുഹമ്മദ് അല്‍ഗമൂര്‍ പറഞ്ഞു. ഗവര്‍ണറേറ്റിന്‍റെ വടക്കുപടിഞ്ഞാറ് ഭാഗത്താണ് അല്‍ അഹ്മല്‍ ഗ്രാമം സ്ഥിതി ചെയ്യുന്നത്. കനത്ത മഴ ഈ മേഖലയില്‍ വന്‍ നാശം വിതച്ചിട്ടുണ്ട്.
