മുന്നിൽ റെയിൽവേ ട്രാക്ക്: ട്രാക്കിൽ വീണത് കുഞ്ഞ് ജീവൻ: ട്രാക്കിൽ വീണ ജീവൻ കോരിയെടുത്ത് റെയിൽവേ ജീവനക്കാരൻ: സോഷ്യൽ മീഡിയയിൽ വൈറലായ വീഡിയോ ഇവിടെ കാണാം

സ്വന്തം ലേഖകൻ

മുംബൈ: കഴിഞ്ഞ കുറച്ച് ദിവസങ്ങളായി സോഷ്യൽ മീഡിയയിൽ വൈറലാകുന്നത് ഒരു റെയിൽവേ ജീവനക്കാരൻ്റെ വീഡിയോ ആണ്. റെയിൽവേ ട്രാക്കിൽ വീണ കുട്ടിയെ രക്ഷിക്കാൻ സ്വന്തം ജീവൻ പോലും പണയം വച്ച് ട്രാക്കിലേയ്ക്ക് ചാടിയിറങ്ങുന്ന റെയിൽവേ ജീവനക്കാരനാണ് ഇപ്പോൾ സോഷ്യൽ മീഡിയയിലെ വൈറൽ താരം.

സിനിമയിൽ ഒക്കെ നിങ്ങൾ ഒരുപാട് സൂപ്പർ ഹീറോകളെ കണ്ടിരിക്കാം, എങ്കിലിതാ യഥാർത്ഥ ജീവിതത്തിൽ ഒരു സൂപ്പർ ഹീറോ – എന്ന ടാഗ് ലൈനുമായാണ് ഇപ്പോൾ ഈ വീഡിയോ സോഷ്യൽ മീഡിയയിൽ പ്രചരിക്കുന്നത്.

മുംബൈ ഡിവിഷനിലെ വാങ്ങി എന്ന റെയിൽവേ സ്റ്റേഷനിൽ അന്ധയായ അമ്മയ്ക്കൊപ്പം നടന്ന കുഞ്ഞിനെ ട്രെയിനിന് മുന്നിൽ നിന്നും രക്ഷിക്കുന്ന റെയിൽവേ ജീവനക്കാരൻ്റെ വീഡിയോ ആണ് ഇപ്പോൾ വൈറലാകുന്നത്. ഇരുവരും പ്ലാറ്റ് ഫോമിലൂടെ നടക്കവേ പെട്ടെന്നാണ് കുഞ്ഞു ട്രാക്കിലേക്ക് വീഴുന്നത്, ആ ട്രാക്കിലേക്ക് ഒരു ട്രെയിൻ കുതിച്ചു വരുന്നുണ്ടായിരുന്നു,

നിസ്സഹായിയായി അമ്മ വാവിട്ടു നില വിളിക്കെ ആ സ്റ്റേഷനിലെ പോയിന്റ്‌സ്മാനായ മയൂഖ് ഷെൽക്കേ എവിടെ നിന്നോ കുതിച്ചെത്തി ആ കുഞ്ഞിനെ ട്രാക്കിൽ നിന്നെടുത്ത് പ്ലാറ്റ്ഫോമിലേക്ക് ചാടി കയറുന്ന വീഡിയോയാണ് വൈറലായി മാറിയത്.

ഒരു സെക്കന്റ്‌ പിഴച്ചിരുന്നെങ്കിൽ സ്വന്തം ജീവൻ അയാൾക്ക് നഷ്ടപ്പെട്ടേനെ. ധീരത എന്നൊരു വാക്കിലൊന്നും ഒതുക്കാനാവില്ല മയൂരിൻ്റെ പ്രവർത്തിയെ എന്നാണ് സോഷ്യൽ മീഡിയയുടെ അഭിപ്രായം. എന്നാൽ , ഇതുവരെയും അമ്മയെയും മകളെയും പറ്റിയുള്ള വിവരം പുറത്ത് വന്നിട്ടില്ല.