തിരുവനന്തപുരം: പാലക്കാട് എംഎല്എ രാഹുല് മാങ്കൂട്ടത്തിലിന് എതിരായ ആരോപണത്തില് പ്രതികരിച്ച് കെ മുരളീധരൻ.
രാഹുല് മാങ്കൂട്ടത്തില് കോണ്ഗ്രസ് സ്ഥാനാർത്ഥികള്ക്ക് വേണ്ടി പ്രചാരണത്തിന് ഇറങ്ങേണ്ടെന്നും ഉദിച്ചുയരേണ്ട താരങ്ങള് ഉദിക്കും അല്ലാത്തത് അസ്തമിക്കും എന്നും മുരളീധരൻ പറഞ്ഞു.
കൂടാതെ രാഹുലിനെ ഒരുപരിപാടിയിലും കയറ്റരുത് എന്ന് പാർട്ടി പറഞ്ഞിട്ടുണ്ടെന്നും അദ്ദേഹം വ്യക്തമാക്കി.
അതേസമയം ബലാത്സംഗ കേസില് ഒളിവിലുള്ള രാഹുല് മാങ്കൂട്ടത്തിലിനെ അറസ്റ്റ് ചെയ്യാൻ പൊലീസ് നീക്കം ആരംഭിച്ചിട്ടുണ്ട്. മുൻകൂർ ജാമ്യപേക്ഷ സമർപ്പിച്ചിരിക്കുന്നത് അറസ്റ്റിന് തടസമല്ലെന്നാണ് പൊലീസ് വാദം.
Whatsapp Group 1 | Whatsapp Group 2 |Telegram Group
അതേസമയം, രാഹുല് മാങ്കൂട്ടത്തില് തലസ്ഥാനത്തെത്തി വക്കാലത്തില് ഒപ്പിട്ടുവെന്ന പ്രചാരണവും പൊലീസ് തള്ളുകയാണ്. എല്ലാ ജില്ലകളിലും അന്വേഷണം നടത്താൻ ക്രമസമാധാന ചുമതലയുള്ള എഡിജിപി നിർദ്ദേശം നല്കിയിട്ടുണ്ട്. പരാതിക്കാരിയുമായി പീഡനം നടന്ന ഫ്ലാറ്റിലെത്തി പൊലീസ് മഹസ്സർ രേഖപ്പെടുത്തി.
കൂടുതല് സാക്ഷികളുടെ മൊഴിയും ഇന്ന് രേഖപ്പെടുത്തും. ലൈംഗിക പീഡന കേസില് പരാതിക്കാരിയായ യുവതിക്കെതിരെ ഇന്നലെ രാഹുല് മാങ്കൂട്ടത്തില് കൂടുതല് തെളിവുകള് തിരുവനന്തപുരം ജില്ലാ കോടതിയില് സമര്പ്പിച്ചിരുന്നു.
