കൊച്ചി: പാര്ട്ടിയില് നിന്ന് പുറത്താക്കപ്പെട്ടിട്ടും പാലക്കാട് എംഎല്എ രാഹുല് മാങ്കൂട്ടത്തിലിന് വീണ്ടും സീറ്റ് നല്കില്ലെന്ന് തുറന്നു പറയാന് ധൈര്യം കാട്ടാതെ കോണ്ഗ്രസ്.
രാഹുലിന് പാലക്കാട് സീറ്റ് നല്കരുതെന്ന് നിലപാട് പറഞ്ഞ മുതിര്ന്ന നേതാവ് പിജെ കുര്യന് അച്ചടക്ക നടപടി പിന്വലിച്ചാല് രാഹുലിന് മല്സരിക്കാമെന്ന് പിന്നീട് തിരുത്തി. ഇത് പാര്ട്ടിയിലെ ആശയക്കുഴപ്പത്തിന് തെളിവായി.
വീണ്ടും മല്സരിക്കാനുളള സാധ്യത തള്ളിക്കളയാതെയായിരുന്നു ഇന്ന് രാഹുല് മാങ്കൂട്ടത്തിലിൻ്റെയും പ്രതികരണം.
Whatsapp Group 1 | Whatsapp Group 2 |Telegram Group
മണിക്കൂറുകളുടെ ഇടവേളയിലാണ് പി ജെ കുര്യൻ നിലപാട് മാറ്റിയത്. പെരുന്നയില് കുര്യന്റെ കാതില് രാഹുല് പറഞ്ഞ രഹസ്യമെന്തെന്ന് വ്യക്തമല്ല.
എങ്കിലും തന്നെ ഉപദ്രവിച്ചാല് തനിക്കും പലതും പറയേണ്ടി വരുമെന്ന ഭീഷണി കലര്ന്ന മുന്നറിയിപ്പിലാണ് മുതിര്ന്ന നേതാവ് നിലപാട് മാറ്റിയതെന്നാണ് കോണ്ഗ്രസിലെ അണിയറ വര്ത്തമാനം. പക്ഷേ രാഹുലും കുര്യനും ഈ ആരോപണം പരസ്യമായി തളളിക്കളയുന്നു.
