തിരുവനന്തപുരം: തനിക്കെതിരെ ഉയർന്ന ആരോപണങ്ങള്ക്ക് പിന്നില് ഗൂഢാലോചനയുണ്ടെന്ന് പാലക്കാട് എംഎല്എ രാഹുല് മാങ്കൂട്ടത്തില് കോണ്ഗ്രസ് നേതാക്കളെ അറിയിച്ചു.
ആരോപണങ്ങളില് രാഹുല് തന്നെ വിശദീകരിക്കട്ടെ എന്നാണ് കോണ്ഗ്രസ് നേതൃത്വത്തിന്റെ നിലപാട്. പൊതുമധ്യത്തില് രാഹുല് കാര്യങ്ങള് വിശദീകരിക്കട്ടെ എന്നാണ് നേതാക്കള് പറയുന്നത്.
അതേസമയം, രാഹുലിനെതിരെ ഉയർന്ന ആരോപണങ്ങളില് നിലവില് പാർട്ടി അന്വേഷണം ഇല്ലെന്നാണ് സൂചന.
ലൈംഗിക ആരോപണങ്ങള് നേരിടുന്ന പാലക്കാട് എംഎല്എ രാഹുല് മാങ്കൂട്ടത്തിലിനെ പാര്ട്ടി പ്രാഥമികാംഗത്വത്തില് നിന്ന് കോണ്ഗ്രസ് സസ്പെൻഡ് ചെയ്തു.
Whatsapp Group 1 | Whatsapp Group 2 |Telegram Group
പാര്ലമെന്ററി പാര്ട്ടിയിലും അംഗത്വമുണ്ടാകില്ല. എംഎല്എ സ്ഥാനം രാജിവയ്ക്കണമെന്ന ആവശ്യപ്പെട്ട നേതാക്കളും ഉപതെരഞ്ഞെടുപ്പ് ഭീതിയില് അയഞ്ഞതോടെയാണ് സസ്പെൻഡ് ചെയ്യാനുള്ള തീരുമാനത്തില് കോണ്ഗ്രസ് നേതൃത്വം എത്തിയത്.
എന്നാല്, കോണ്ഗ്രസ് നടപടി പോരെന്നും രാഹുല് എംഎല്എ സ്ഥാനം രാജിവയ്ക്കണമെന്നും ആവർത്തിക്കുകയാണ് സിപിഎമ്മും ബിജെപിയും.
