തൃശൂര്: രാഹുല് ഈശ്വറിനെതിരെ വീണ്ടും പരാതി. തൃശൂര് സ്വദേശിയും ഹൈക്കോടതി അഭിഭാഷകനുമായ സലീമാണ് എറണാകുളം സെന്ട്രല് പോലീസിൽ പരാതി നല്കിയത്. നടി ഹണി റോസിനെതിരെ രാഹുല് ഈശ്വര് ചാനല് ചര്ച്ചകളില് മോശം പരാമര്ശം നടത്തിയെന്ന് പരാതിയില് പറയുന്നു.
അതേസമയം ഹണി റോസിന്റെ പരാതിയില് പോലീസ് ഇതുവരെ കേസെടുത്തിട്ടില്ല. പരാതി വിശദമായി പരിശോധിച്ചുവരികയാണെന്നാണ് വിശദീകരണം. നിയമവിദഗ്ധരുമായി കൂടിയാലോചിച്ച ശേഷം മാത്രമേ കേസെടുക്കുന്നതടക്കമുള്ള നടപടികളുമായി പോലീസ് മുന്നോട്ടുപോവുകയുള്ളൂ. വിഷയം സൈബര് ക്രൈമിന്റെ പരിധിയില് വരുമോയെന്നതടക്കം പോലീസ് പരിശോധിക്കുന്നുണ്ട്.
