റെക്കോർഡുകൾ തകർത്ത് സ്വർണ്ണ വില കുതിക്കുന്നു;  ഗ്രാമിന് ഇന്ന് 45 രൂപ വില ഉയർന്നു

സ്വന്തം ലേഖകൻ

കൊച്ചി : റെക്കോർഡുകൾ തകർത്ത് സ്വർണവില കുതിക്കുന്നു . ഗ്രാമിന് 45 രൂപ ഇന്ന് ഉയർന്നു. ഇതോടെ വില ഗ്രാമിന് 3680 രൂപയായി. 29,440 രൂപയാണ് ഒരു പവൻ സ്വർണത്തിന്റെ (8 ഗ്രാം) ഇന്നത്തെ വില.

കഴിഞ്ഞ സെപ്റ്റംബർ നാലിനാണ് ഇതിനു മുൻപ് സ്വർണവില റെക്കോർഡ്
29,120 രൂപയായിരുന്നു അന്ന് ഒരു പവന്റെ വില. ഗ്രാമിന് 3640 രൂപയും. തുടർന്നു വില കുറഞ്ഞെങ്കിലും ഡിസംബർ അവസാനത്തോടെ വീണ്ടും ഉയർന്നു.

രാജ്യാന്തര തലത്തിൽ വില ഉയരുന്നതനുസരിച്ചാണ് കേരളത്തിലും സ്വർണവില കൂടുന്നത്. കഴിഞ്ഞ ജനുവരി ആദ്യം ട്രോയ് ഔൺസിന് (31.1 ഗ്രാം സ്വർണത്തിന്) 1,278 ഡോളറായിരുന്നു വില. ഡിസംബർ അവസാന വാരം വില 1,516 ൽ എത്തി. ഇന്ന് 1540 ഡോളറാണു സ്വർണവില. 15 ഡോളർ ഇന്നു മാത്രം ഉയർന്നു. കഴിഞ്ഞ ജനുവരി ഒന്നു മുതൽ 253 ഡോളറിന്റെ വർധന.