മലപ്പുറം: അയോഗ്യത ഒഴിവാക്കാൻ രാഷ്ട്രീയ പാർട്ടിക്ക് പകരം സാമൂഹിക കൂട്ടായ്മ പ്രഖ്യാപിക്കാനൊരുങ്ങി പി. വി അൻവര്‍ എംഎൽഎ. ‘ഡെമോക്രാറ്റിക് മൂവ്മെന്‍റ് ഓഫ് കേരള’ എന്ന പേരിലാണ് കൂട്ടായ്മ.
നയപരിപാടികൾ അല്‍പ്പസമയത്തിനകം മഞ്ചേരിയിലെ പൊതുസമ്മേളനത്തിൽ അവതരിപ്പിക്കും. യോഗത്തിൽ പങ്കെടുക്കാനും അൻവറിന്റെ വാക്കുകൾ കേൾക്കാനും വലിയ ജനക്കൂട്ടമാണ് മഞ്ചേരിയിലെത്തിയിരിക്കുന്നത്.
ട്രാഫിക്ക് നിയന്ത്രണത്തിന്റെ പേരിൽ പലയിടത്തും വാഹനങ്ങൾ പോലീസ് തടയുകയാണെന്ന് പി വി അൻവർ മാധ്യമങ്ങളോട് പ്രതികരിച്ചു.
Whatsapp Group 1 | Whatsapp Group 2 |Telegram Group
”കിലോമീറ്ററുകൾ അപ്പുറത്ത് വെച്ച് പോലീസ് വാഹനം നിയന്ത്രിക്കുകയാണ്. തന്നെ തോൽപ്പിക്കാനുളള ശ്രമങ്ങളാണ് നടക്കുന്നത്. സംസ്ഥാനത്തെ ഡിഎംകെ നേതാക്കളുടെ വീട്ടിൽ പോലീസെത്തിയിരിക്കുന്നു, നിങ്ങൾക്ക് കളളക്കടത്തുമായി എന്ത് ബന്ധമെന്നാണ് ചോദ്യം. ഇതെല്ലാം ഇവിടെ നടക്കുന്നുണ്ട്”.
ഡിഎംകെയുമായി ബന്ധപ്പെട്ട ചോദ്യങ്ങൾക്ക് മറുപടി പറയാതെ ഒഴിഞ്ഞ് മാറിയ അൻവർ കോൺഫിഡൻസ് ഉണ്ടെന്നും, ഇനി തമിഴ് മട്ടും പേസും എന്നും തമിഴിൽ മറുപടി നൽകിയാണ് പൊതു സമ്മേളനം നടക്കുന്ന വേദിയിലേക്ക് പുറപ്പെട്ടത്.
