പുതുപ്പള്ളി: പുതുപ്പള്ളി സാംസ്കാരികവേദിയുടെ ആഭിമുഖ്യത്തില് ഇന്നു മുതല് മാര്ച്ച് മൂന്നു വരെ ഹൈസ്കൂള് ഗ്രൗണ്ടിലെ ഷഡ്കാല ഗോവിന്ദമാരാര് നഗറില് പുതുപ്പള്ളി ഫെസ്റ്റ് നടത്തും. ലഹരിമാഫിയയ്ക്കെതിരേ ഇന്നു മിനി മാരത്തണും സംഘടിപ്പിക്കും. രാവിലെ ഏഴിന് മണര്കാട് പെരുമാനൂര്കുളം ജംഗ്ഷനില് ഋഷിരാജ് സിംഗ് ഫ്ലാഗ്ഓഫ് ചെയ്യും.
മാരത്തണ് പുതുപ്പള്ളി ഗ്രൗണ്ടില് എത്തിച്ചേരുമ്പോള് സാംസ്കാരികവേദി ചെയര്മാന് ജോഷി ഫിലിപ്പ് പതാക ഉയര്ത്തും. തുടര്ന്നു നടക്കുന്ന സമ്മേളനത്തില് റവ.ഡോ. ജോസഫ് മാര് ബര്ണബാസ് സഫ്രഗന് മെത്രാപ്പോലീത്ത മുഖ്യസന്ദേശം നല്കും. സിനിമാ സംവിധായകന് ദിലീഷ് പോത്തന് വിശിഷ്ടാതിഥിയായിരിക്കും. ചാണ്ടി ഉമ്മന് എംഎല്എ അധ്യക്ഷതവഹിക്കും.
എല്പി, യുപി, ഹൈസ്കൂള് വിദ്യാര്ഥികള്ക്കായി പഞ്ചായത്ത് കമ്യൂണിറ്റി ഹാളിലും അധ്യാപക ബാങ്ക് ഓഡിറ്റോറിയത്തിലും രാവിലെ 10 മുതല് ചിത്രരചനാ മത്സരം നടത്തും. ഉച്ചകഴിഞ്ഞ് 3.30ന് സ്കൂള് ബാന്ഡ് മത്സരം നടക്കും. ഭിന്നശേഷി സ്കൂളിലെ വിദ്യാര്ഥികളും പങ്കാളിയാകും.
Whatsapp Group 1 | Whatsapp Group 2 |Telegram Group
ചലച്ചിത്രസംവിധായകന് ജോണി ആന്റണി മുഖ്യാതിഥിയായിരിക്കും. അഞ്ചിന് വെന്നിമല ക്ഷേത്രാങ്കണത്തില്നിന്നാരംഭിക്കുന്ന ദീപശിഖാ പ്രയാണം പുതുപ്പള്ളി പള്ളിവഴി ഗ്രൗണ്ടില് എത്തിച്ചേരുമ്പോള് ഫെസ്റ്റിനു ദീപം തെളിയും.
ഒന്നിന് ഉച്ചകഴിഞ്ഞ് രണ്ടിന് ആദരിക്കല്. ആശാ വര്ക്കേഴ്സ്, ഹരിതകര്മ സേനാംഗങ്ങള്, അങ്കണവാടി ടീച്ചേഴ്സ്, ഹെല്പ്പേഴ്സ് എന്നിവരെ ആദരിക്കും. നാലിന് സ്കൂള് തലത്തില് എ ഗ്രേഡ് നേടിയ കുട്ടികളുടെ കലാപരിപാടികള്. 4.30നു കാഴ്ച പൈതൃക പ്രദര്ശനം.
യോഗപ്രദര്ശനം, ഡാന്സ്. ആറിന് ഉദ്ഘാടനസമ്മേളനം. ഫ്ലൈവേഴ്സ് ടിവി സ്റ്റാര് സിംഗര് സ്മിനു സിജോ ഉദ്ഘാടനം ചെയ്യും. ചാണ്ടി ഉമ്മന് എംഎല്എ അധ്യക്ഷത വഹിക്കും. ഏഴിനു ഗ്രൂവ് മ്യൂസിക് ബാന്ഡ്.
രണ്ടിനു വൈകുന്നേരം രണ്ടിനു തൊഴിലുറപ്പ് തൊഴിലാളികളെ ആദരിക്കും. നാലിനു പുതുപ്പള്ളി നിയോജകമണ്ഡലത്തിലെ വിശിഷ്ടാതിഥികളെ ചാണ്ടി ഉമ്മന് എംഎല്എ ആദരിക്കും. 5.30നു സാംസ്കാരിക സമ്മേളനം. കവി മുരുകന് കാട്ടാക്കട മുഖ്യാതിഥിയായിക്കും. സുരേഷ് കുറുപ്പ്, കെ.സി. സജിമോന് എന്നിവര് പങ്കെടുക്കും.
മൂന്നിനു വൈകുന്നേരം നാലിന് കരോക്കെ ഗാനമേള. ഡാന്സ് നാടന്പാട്ടുകള്. കലാഭവന് ജോഷിയും സംഘവും. തുടര്ന്നു കളരിപ്പയറ്റ് പ്രദര്ശനം. ഏഴിന് എക്റ്റസി മ്യൂസിക് ബാന്ഡ്. ഒന്നു മുതല് മൂന്നു വരെ തീയതികളില് പുതുപ്പള്ളി ഹരിതകര്മസേന, ആശാ വര്ക്കേഴ്സ്, അങ്കണവാടി വര്ക്കേഴ്സ്, ഹെല്പ്പേഴ്സ് എന്നിവര്ക്ക് മെഡല്, സമ്മാനം, സര്ട്ടിഫിക്കറ്റ് എന്നിവ നല്കും.
ദിവസവും വൈകുന്നേരം നാലിന് ആരംഭിക്കുന്ന ഫെസ്റ്റ് രാത്രി 10നു സമാപിക്കും. ഭക്ഷണ, വ്യവസായ വാണിജ്യ സ്റ്റാളുകള് അണിനിരക്കും.
കുടുംബശ്രീ ഭക്ഷണശാലകള്, തുണിത്തരങ്ങളുടെ സ്റ്റാളുകള്, വാഹനവില്പ്പന തുടങ്ങിയ നിരവധി പ്രദര്ശന, വില്പ്പന ശാലകള്, സോളാര് ലൈറ്റുകള്, മേളയിലുണ്ടാകും. ചെയര്മാന് ജോഷി ഫിലിപ്പ് കണ്വീനര് സാബു പുതുപ്പറമ്പില്, പബ്ലിസിറ്റി കണ്വീനര് സതീഷ് മാത്യു എന്നിവര് നേതൃത്വം നല്കും.
