കോഴിക്കോട് : കാർ മരത്തിലിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന സ്ത്രീ മരിച്ചു.
പുറമേരി സ്വദേശിനി കോറോത്ത് താഴെക്കുനി റീന (55) ആണ് മരിച്ചത്. വെള്ളിയാഴ്ചയായിരുന്നു അപകടം. അപകടത്തിൽ റീനയ്ക്കും മകൻ രാജനും പരിക്കേറ്റിരുന്നു.
അസുഖബാധിതനായ റീനയുടെ ഭർത്താവ് പുറമേരി സ്വദേശി ശ്രീധരൻ കോഴിക്കോട് മെഡിക്കൽ കോളേജ് ആശുപത്രിയിൽ വച്ച് മരിച്ചിരുന്നു. അദ്ദേഹത്തിൻ്റെ മൃതദേഹവുമായി പുറമേരിയിലേക്ക് പുറപ്പെട്ട ആംബുലൻസിൻ്റെ തൊട്ട് പിറകിലെ കാറിലാണ് റീനയും മകനും സഞ്ചരിച്ചത്. പേരാമ്ബ്രയിലെത്തിയപ്പോൾ ഈ കാർ ഒരു മരത്തിലേക്ക് ഇടിച്ചു കയറി അപകടത്തിൽപ്പെടുകയായിരുന്നു.
Whatsapp Group 1 | Whatsapp Group 2 |Telegram Group
കാറിലുണ്ടായിരുന്ന റീനയ്ക്കും മകൻ രാജനും ഗുരതരമായി പരിക്കേറ്റിരുന്നു. കാറിലെ ഡ്രൈവർ ഉറങ്ങിപ്പോയതാണ് അപകടത്തിലേക്ക് നയിച്ചതെന്നാണ് പ്രാഥമിക നിഗമനം.
പരിക്കേറ്റ ഇവരെ അടുത്തുള്ള ആശുപത്രിയിലും തുടർന്ന് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. റീനയുടെ പരിക്ക് ഗുരുതരമായതിനാൽ ഇന്നലെ രാത്രിയോടുകൂടി മരണം സ്ഥിതീകരിക്കുകയായിരുന്നു. മകൻ്റെ പരിക്ക് ഗുരുതരമല്ല.
