മുന്‍ എംഎല്‍എയും കോണ്‍ഗ്രസ് നേതാവുമായ പുനലൂര്‍ മധു അന്തരിച്ചു

കൊല്ലം: മുന്‍ എംഎല്‍എയും കോണ്‍ഗ്രസ് നേതാവുമായ പുനലൂര്‍ മധു അന്തരിച്ചു. 66 വയസായിരുന്നു. തിരുവനന്തപുരത്തെ കിംസ് ആശുപത്രിയില്‍ വച്ചായിരുന്നു അന്ത്യം. സംസ്‌കാരം ഇന്ന് വൈകുന്നേരം വീട്ടുവളപ്പില്‍ നടക്കും.

കെ.എസ്.യു മുന്‍ സംസ്ഥാന പ്രസിഡന്റ്, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി, കെപിസിസി അംഗം, തിരുവിതാംകൂര്‍ ദേവസ്വം ബോര്‍ഡ് അംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്.

1991ല്‍ പുനലൂര്‍ മണ്ഡലത്തില്‍ നിന്നാണ് എം എല്‍ എ ആയത്. 1980 കളില്‍ യൂത്ത് കോണ്‍ഗ്രസ് നേതൃനിരയില്‍ ജി കാര്‍ത്തികയേനും രമേശ് ചെന്നിത്തലക്കുമൊപ്പം തിളങ്ങി നിന്ന നേതാവായിരുന്നു പുനലൂര്‍ മധു.