കുട്ടികളിൽ മുണ്ടിനീര് വ്യാപകം; സ്കൂൾ വിദ്യാർഥികൾ അടക്കം മുണ്ടിനീര് രോഗികളുടെ എണ്ണം 49 ആയി; പ്രതിരോധ പ്രവർത്തനങ്ങൾ ഊർജ്ജിതമാക്കി ആരോഗ്യവകുപ്പ്

കൊച്ചി: വിവിധ പ്രദേശങ്ങളിൽ കുട്ടികളിൽ മുണ്ടുനീര് വ്യാപിക്കുന്നതായി ആരോ​ഗ്യ വകുപ്പിന്റെ സ്ഥിരീകരണം. തൃക്കാക്കര നഗരസഭയിലാണ് നിരവധി വിദ്യാർത്ഥികൾക്ക് അസുഖം സ്ഥിരീകരിച്ചിരിക്കുന്നത്.

തൃക്കാക്കര കാർഡിനൽ എൽപി സ്‌കൂളിൽ 40 കുട്ടികൾക്കാണ് രോഗം സ്ഥിരീകരിച്ചിരിക്കുന്നത്. തൃക്കാക്കര, കൊച്ചിൻ പബ്ലിക് സ്കൂളിൽ 9 പേർക്കും രോഗം സ്ഥിരീകരിച്ചു.

ഇതേതുടർന്ന് അധികൃതർ സ്കൂളിന് അവധി നൽകി. ഇതോടെ തൃക്കാക്കരയിൽ സ്കൂൾ വിദ്യാർഥികൾ അടക്കം മുണ്ടിനീര് രോഗികളുടെ എണ്ണം 49 ആയി.

മുണ്ടിനീര് പടരുന്ന സാഹചര്യത്തിൽ‌ പ്രതിരോധ പ്രവർത്തനങ്ങൾ ഊർജ്ജിതമാക്കിയിരിക്കുകയാണ് ആരോഗ്യവകുപ്പ്.