കോട്ടയം ജില്ലയിലെ പൊലീസ് കോൺസ്റ്റബിൾ എന്‍ഡ്യുറന്‍സ് ടെസ്റ്റ് ജൂലൈ 5 മുതൽ നടക്കും
സ്വന്തം ലേഖകൻ
കോട്ടയം: പോലീസ് വകുപ്പിലെ പൊലീസ് കോണ്‍സ്റ്റബിള്‍ (കാറ്റഗറി നം. 136/2022) തസ്തികയുടെ എന്‍ഡ്യുറന്‍സ് ടെസ്റ്റ് (endurance test) ജൂലൈ അഞ്ചു മുതല്‍ കോട്ടയം ജില്ലയിലെ ഏറ്റുമാനൂര്‍ മണര്‍കാട് ബൈപ്പാസ് റോഡില്‍ നടക്കും.
ടെസ്റ്റ് സംബന്ധിച്ച് ഉദ്യോഗാര്‍ഥികള്‍ക്ക് വണ്‍ ടൈം രജിസ്ട്രേഷന്‍ പ്രൊഫൈല്‍ വഴിയും എസ്. എം.എസ് മുഖേനയും പ്രത്യേകം അറിയിപ്പ് നല്‍കിയിട്ടുണ്ട്. അറിയിപ്പ് ലഭിച്ചവര്‍ പേരൂര്‍ പുളിമൂടിന് സമീപമുള്ള സെന്റ് തോമസ് ക്നാനായ കാത്തോലിക് പള്ളി ഗ്രൗണ്ടില്‍ രാവിലെ അഞ്ചിന് അഡ്മിഷന്‍ ടിക്കറ്റ്, കമ്മീഷന്‍ അംഗീകരിച്ച് ഏതെങ്കിലും തിരിച്ചറിയല്‍ രേഖയുടെ അസല്‍, സര്‍ക്കാര്‍ സര്‍വീസിലെ അസിസ്റ്റന്റ് സര്‍ജന്‍ റാങ്കില്‍ കുറയാത്ത ഡോക്ടറില്‍ നിന്നും ലഭിച്ച ഫിറ്റ്നസ് സര്‍ട്ടിഫിക്കറ്റ് എന്നിവ സഹിതം ഹാജരാകണം.
Whatsapp Group 1 | Whatsapp Group 2 |Telegram Group
ജൂലൈ ഒന്‍പതാം തീയതിയിലെ എന്‍ഡ്യുറന്‍സ് ടെസ്റ്റ് ജൂലൈ 24ലേക്ക് മാറ്റിയിട്ടുണ്ട്. ജൂലൈ ഒന്‍പതിലെ അഡ്മിഷന്‍ ടിക്കറ്റ് ലഭിച്ച ഉദ്യോഗാര്‍ഥികള്‍ ജൂലൈ 24ന് അതേ അഡ്മിഷന്‍ ടിക്കറ്റുമായി ഹാജരാകണം.
