ആഹാരക്രമത്തിൽ നിർബന്ധമായും ഉൾപ്പെടുത്തേണ്ട ഘടകങ്ങളിലൊന്നാണ് പോഷകങ്ങൾ. ശരീരാരോഗ്യത്തിനും മുടിയുടെ വളർച്ചയ്ക്കും ചർമ്മ സംരക്ഷണത്തിനും ഇവ വലിയ പങ്ക് വഹിക്കുന്നു.
പ്രോട്ടീൻ ശരീരത്തിന് ആവശ്യമുള്ള പ്രധാന പോഷകങ്ങളിൽ ഒന്നാണ്, അതിന്റെ മുഖ്യ ഉറവിടം ഭക്ഷണങ്ങളാണ്. സാധാരണയായി പലരും പ്രോട്ടീൻ ലഭിക്കാൻ മുട്ടയാണ് തിരഞ്ഞെടുക്കുന്നത്. എന്നാൽ, മുട്ടയെക്കാൾ കൂടുതലായി പ്രോട്ടീൻ അടങ്ങിയ ചില വെജിറ്റേറിയൻ ഭക്ഷണങ്ങൾ ഉണ്ട്. അവ ഏതെല്ലാം എന്ന് നോക്കാം.
- ഗ്രീന്‍പീസ് – ഗ്രീന്‍പീസ് ഇത്തരത്തിലെ പ്രോട്ടീന്‍ സമ്ബുഷ്ടമായ ഒരു ഭക്ഷണ വസ്തുവാണ്. ഒരു കപ്പ് വേവിച്ച ഗ്രീന്‍പീസില്‍ 8 ഗ്രാം പ്രോട്ടീനുണ്ട്. മുട്ടയിലുള്ളതിനേക്കാള്‍ കൂടുതല്‍. 100 ഗ്രാം ഗ്രീന്‍പീസില്‍ 5 ഗ്രാം പ്രോട്ടീനുണ്ട്. കൂടാതെ ഇതില്‍ ഫൈബര്‍, വൈറ്റമിന്‍ കെ, ഫോളേറ്റ് എന്നിവയും അടങ്ങിയിട്ടുണ്ട്.
- ചീര – ചീര ഇതില്‍ പ്രധാനപ്പെട്ടതാണ്. ഒരു കപ്പ് വേവിച്ച ചീരയില്‍ 5.4 ഗ്രാം പ്രോട്ടീനുകള്‍ അടങ്ങിയിട്ടുണ്ട്. 100 ഗ്രാമെങ്കില്‍ 2.9 ഗ്രാം എന്ന് കണക്കു പറയാം. അതായത് ഇത് അളവില്‍ കൂടുതല്‍ കഴിയ്ക്കേണ്ടതുണ്ട് എന്നര്‍ത്ഥം. ഇതില്‍ ധാരാളം നാരുകളും അടങ്ങിയിട്ടുണ്ട്.
- മുരിങ്ങ – പ്രോട്ടീന്‍ സമ്ബുഷ്ടമായ ഒന്നാണ് മുരിങ്ങ. പ്രത്യേകിച്ചും മുരിങ്ങയിലകള്‍. 100 ഗ്രാം മുരിങ്ങയിലയില്‍ 9 ഗ്രാം പ്രോട്ടീന്‍ അടങ്ങിയിട്ടുണ്ട്. ഏറ്റവും നല്ല സസ്യപ്രോട്ടീനുകളില്‍ ഒന്നാണിത്. മുരിങ്ങാക്കായിലും പ്രോട്ടീനുണ്ട്. ഇതിന് പുറമേ കാല്‍സ്യം, അയേണ്‍, ആന്റിഓക്സിഡന്റുകള്‍ എന്നിവയും ഇതിലുണ്ട്. ഇത് പ്രതിരോധശേഷിയ്ക്കും ദഹനത്തിനുമെല്ലാം സഹായിക്കുന്ന ഒന്നാണ്.
- കൂണ്‍ – കൂണ്‍ പ്രോട്ടീന്‍ സമ്ബുഷ്ടമായ സസ്യാഹാരമാണ്. വൈറ്റ് ബട്ടന്‍ മഷ്റൂമില്‍ കൂടുതല്‍ പ്രോട്ടീനുകള്‍ അടങ്ങിയിരിയ്ക്കുന്നു. വേവിയ്ക്കാത്ത കൂണിനേക്കാള്‍ വേവിച്ച കൂണിലാണ് കൂടുതല്‍ പ്രോട്ടീനുള്ളത്. ഒരു കപ്പ് വേവിച്ച കൂണില്‍ 5-7 ഗ്രാം വരെ പ്രോട്ടീനുകള്‍ ഉണ്ട്. കൂണില്‍ വൈറ്റമിന്‍ ബി, സെലേനിയം, ആന്റിഓക്സിഡന്റുകള്‍ എന്നിവയും അടങ്ങിയിട്ടുണ്ട്.
- ബ്രൊക്കോളി – ബ്രൊക്കോളി ഇത്തരത്തില്‍ പ്രോട്ടീന്‍ സമ്ബുഷ്ടമായ ഒന്നാണ്. ഇതില്‍ ധാരാളം നാരുകളും അടങ്ങിയിട്ടുണ്ട്. 100 ഗ്രാം ബ്രൊക്കോളിയില്‍ 2.8 ഗ്രാം പ്രോട്ടീനുകള്‍ അടങ്ങിയിട്ടുണ്ട്. ഒരു കപ്പ് വേവിച്ച ബ്രൊക്കോളിയില്‍ 5.7 ഗ്രാം പ്രോട്ടീനുണ്ട്. ഇത് ഒരു മുട്ടയില്‍ ഉള്ളതിനേക്കാള്‍ കൂടുതലാണ്. ആന്റിഓക്സിഡന്റുകള്‍, ഫോളേറ്റുകള്‍, പൊട്ടാസ്യം എന്നിവയെല്ലാം ഇതില്‍ അടങ്ങിയിട്ടുണ്ട്.