ഒറ്റപ്പാലം: സ്വകാര്യബസുകളില്‍ അനധികൃതമായി എയര്‍ഹോണ്‍ ഉപയോഗിച്ചതിന് ബസുകള്‍ക്കെതിരേ നടപടി.
21 ബസുകള്‍ക്ക് 42,000 രൂപ പിഴയീടാക്കാന്‍ ചലാൻ വിതരണം ചെയ്തു. നടപടിയെടുത്ത ബസില്‍ വീണ്ടും എയര്‍ഹോണ്‍ ഉപയോഗിക്കുന്നത് കണ്ടെത്തിയാല്‍ ഡ്രൈവറുടെ ലൈസന്‍സ് റദ്ദാക്കുമെന്ന് പാലക്കാട് ആര്‍ടിഒ സി.യു. മുജീബ് പറഞ്ഞു.
പാലക്കാട്-തൃശ്ശൂര്‍ പാതയില്‍ ശബ്ദമലിനീകരണമുണ്ടാക്കുന്ന രീതിയില്‍ എയര്‍ഹോണ്‍ ഉപയോഗിക്കുന്നുവെന്ന പരാതിയുടെ അടിസ്ഥാനത്തില്‍ പാലക്കാട്ടും തൃശ്ശൂരിലും ബസ് സ്റ്റാന്‍ഡുകള്‍ കേന്ദ്രീകരിച്ച്‌ മോട്ടോര്‍വാഹന വകുപ്പ് പരിശോധന നടത്തുകയായിരുന്നു. മുന്‍പ് അഴിച്ചുവെച്ച എയര്‍ ഹോണുകള്‍ വീണ്ടും ഉപയോഗിക്കുന്നുവെന്നും പരാതിയുയര്‍ന്നിരുന്നു.
Whatsapp Group 1 | Whatsapp Group 2 |Telegram Group
75 ബസുകള്‍ പരിശോധിച്ചു. ഒരു ബസില്‍ നിന്ന് 2,000 രൂപ പിഴയീടാക്കാനാണ് ചലാന്‍ നല്‍കിയിട്ടുള്ളത്. പിഴ കൊടുക്കുന്നതിനൊപ്പം ഹോണ്‍ അഴിച്ചുവെക്കാനും നിര്‍ദേശം നല്‍കി.
