കേന്ദ്രമന്ത്രി സുരേഷ് ഗോപിക്കും ബിജെപി സംസ്ഥാന അദ്ധ്യക്ഷൻ രാജീവ് ചന്ദ്രശേഖറിനുമെതിരെ ജെഎസ്കെ സംവിധായകൻ പ്രവീണ്‍ നാരായന്റെ ഫേസ്ബുക്ക് പോസ്റ്റ്‌ .
ചത്തീസ്‌ഗഡിലെ ദുർഗില്‍ മലയാളികളായ കന്യാസ്‌ത്രീകള്‍ അറസ്റ്റിലായപ്പോള്‍ പാർട്ടി ജനറല്‍ സെക്രട്ടറിയെ അയയ്‌ക്കാൻ ബിജെപി മണിക്കൂറുകള്‍ക്കുള്ളില്‍ തീരുമാനിച്ചു. എന്നാല്‍, ജെഎസ്കെ സിനിമയുമായി ബന്ധപ്പെട്ട വിവാദത്തില്‍ എന്തുകൊണ്ട് പ്രതികരിച്ചില്ല എന്നും പ്രവീണ്‍ ഫേസ്ബുക്ക് പോസ്റ്റിലൂടെ ചോദിച്ചു. ഇരട്ടത്താപ്പിന് മറ്റൊരു പേരുണ്ടെങ്കില്‍ അതാണ് കേരളത്തിലെ ബിജെപി എന്നും അദ്ദേഹം കുറിച്ചു.
അതേസമയം, സുരേഷ് ഗോപിക്കെതിരെ വന്ന കമന്റിനും പ്രവീണ്‍ നാരായണ്‍ പ്രതികരിച്ചു. ‘നിങ്ങളുടെ നായകനും ഉറങ്ങിപ്പോയി…. ശരിക്കും വിഷമം തോന്നി’ എന്നായിരുന്നു കമന്റ്. ‘ഈയിടെയായി ഉറക്കം സ്വല്‍പ്പം കൂടുതലാണ്’ എന്നാണ് പ്രവീണ്‍ നല്‍കിയ മറുപടി. സിനിമ റിലീസ് കഴിഞ്ഞപ്പോള്‍ തിരിഞ്ഞ് കൊത്തുന്നോ എന്നാണ് പലരും പ്രവീണിന് മറുപടി നല്‍കിയിരിക്കുന്നത്. പ്രവീണിനെ പിന്തുണച്ചും അല്ലാതെയുമുള്ള നിരവധി കമന്റുകള്‍ പോസ്റ്റിന് താഴെ വന്നിട്ടുണ്ട്.
Whatsapp Group 1 | Whatsapp Group 2 |Telegram Group
ഫേസ്ബുക്ക് പോസ്റ്റിന്റെ പൂർണരൂപം ഇങ്ങനെയാണ്:-
ഇരട്ടത്താപ്പിന് മറ്റൊരു പേരുണ്ടെങ്കില്‍ അതാണ് ഭാരതീയ ജനതാ പാർട്ടി ഓഫ് കേരള , കന്യാസ്ത്രീകള്‍ക്ക് നീതി നേടി കൊടുക്കുവാനായിട്ട് ഏതറ്റം വരെയും പോകും…
കഴിഞ്ഞ ഒരു മണിക്കൂറിനുള്ളില്‍ സംസ്ഥാന പ്രസിഡന്റിന്റെ സോഷ്യല്‍ മീഡിയ ഹാൻഡിലില്‍ നിന്നും കന്യ സ്ത്രീ വിഷയത്തില്‍ വന്ന പോസ്റ്റുകളുടെ എണ്ണം അഞ്ചോ അതിലേറെയോ ആണ്…
നല്ലതാണ് സർ, ഈ കഴിഞ്ഞ മാസം ഞങ്ങളുടെ സിനിമയുമായി ബന്ധപ്പെട്ട സെൻസർ ബോർഡ് വിഷയത്തില്‍, വിവാദം തുടങ്ങി രണ്ട് ദിവസം കഴിഞ്ഞ് ബിജെപി സംസ്ഥാന പ്രസിഡന്റിനോട് ഈ വിഷയത്തിലെ അഭിപ്രായം ചോദിച്ചപ്പോള്‍
അങ്ങിനൊരു വിഷയം ഉണ്ടോ?
ഞാൻ അറിഞ്ഞിട്ടില്ല..!!!
പഠിച്ചിട്ട് പ്രതികരിക്കാം….!!
പിന്നെ പറഞ്ഞു സിനിമയുടെ കാര്യത്തില്‍ പാർട്ടി ഇടപെടുന്നത് ശരിയല്ലെന്ന്…!!
പാർട്ടിക്ക് കലാപരമായ കാര്യങ്ങളില്‍ ഇടപെടാൻ പറ്റില്ല, പക്ഷേ മതത്തിന്റെ കാര്യത്തില്‍ ഇടപെടാം…
ഒരൊറ്റ മണിക്കൂർ കൊണ്ട് അനൂപ് ആന്റണിയെ ഛത്തീസ്ഗഡിലേക്ക് അയക്കാനും മാത്രം കേരള ബിജെപി യേ അള്‍ത്താരയില്‍ കുമ്ബിട്ടിരുത്തുന്നത് എന്താണ് ?
ഈ നാട്ടില്‍ നടക്കുന്ന മുള്ളു മുരിക്കു കോടാലി വെക്കുന്ന സകല കാര്യങ്ങളിലും ഇടപെടുന്ന രാജ്യം ഭരിക്കുന്ന പാർട്ടി എന്തുകൊണ്ടാണ് ജാനകി വി vs സെൻസർ ബോർഡ് വിഷയത്തില്‍ നിന്നും മാറി നിന്നത് ?
ഈ നാട്ടില്‍ ജനിച്ചു പോയി എന്നൊരു തെറ്റ് കൊണ്ട് ജീവിക്കേണ്ടി വരുന്ന ഒരു ഇന്ത്യൻ പൗരൻ എന്ന നിലയില്‍ മനുഷ്യനായി ജീവിക്കാനുള്ള ആഗ്രഹം കൊണ്ട് ചോദിച്ചു പോവുകയാണ് സർ
എന്നാണ് സർ നിങ്ങളൊക്കെ, ഞങ്ങളെ മനുഷ്യരായി കാണാൻ തുടങ്ങുന്നത്…
ദീപസ്തംഭം മഹാശ്ചര്യം നമുക്കും വേണം പത്ത് വോട്ട്…..
ജെഎസ്കെ യില്‍ അഡ്വ :ഡേവിഡ് ആബേല്‍ പറയുന്നത് പോലെ….
വോട്ട് ചെയ്യുന്ന ജനം എല്ലാം കാണുന്നുണ്ട്….
