വിമാനത്തിലെ അതിഥിയെ കണ്ട് അലറിവിളിച്ച് യാത്രക്കാർ

സ്വന്തം ലേഖിക

കൊച്ചി:ചിലർ അലറി വിളിച്ചു. മറ്റുചിലർ ബാത്ത്റൂമിൽ കയറി വാതിലടച്ചു.വിമാനത്തിലെത്തിയ അപ്രതീക്ഷിത അതിഥിയെ കണ്ട് യാത്രക്കാർ ഞെട്ടി. എല്ലാവരും പരക്കംപായാൻ തുടങ്ങി. ചിലർ അലറി വിളിച്ചു. മറ്റുചിലർ ബാത്ത്റൂമിൽ കയറി വാതിലടച്ചു.

അപ്രതീക്ഷിതമായി വിമാനത്തിലെത്തിയ ആ അതിഥി മറ്റാരുമല്ല. ഒരു വവ്വാൽ ആയിരുന്നു. വവ്വാൽ വിമാനത്തിലൂടെ തലങ്ങും വിലങ്ങും പറക്കുന്നതിന്റെ വീഡിയോയാണ് ഇപ്പോൾ സോഷ്യൽ മീഡിയയിൽ തരംഗം സൃഷ്ടിച്ചിരിക്കുന്നത്. നോർത്ത് കരോലിനയിലെ ഷാർലറ്റിൽ നിന്ന് ന്യൂജേഴ്സിയിലേക്കുള്ള സ്പിരിറ്റ് എയർലൈൻസിലെ വിമാനത്തിലാണ് വവ്വാൽ കയറിപ്പറ്റിയത്.

വവ്വാൽ യാത്രക്കാരുടെ തലക്ക് മുകളിലൂടെ പറക്കുന്നത് വീഡിയോയിൽ കാണാം. യാത്രക്കാരെ ആദ്യം വവ്വാൽ ഭയപ്പെടുത്തിയെങ്കിലും പിന്നീട് രസകരമായിട്ടാണ് ആളുകൾ ഈ വീഡിയോ ഷെയർ ചെയ്യുന്നത്.

https://twitter.com/i/status/1156529042700587008