കോട്ടയം: കടയില് നിന്നും പൊറോട്ട വാങ്ങമ്പോള് കിട്ടുന്ന ഗ്രേവിയ്ക്ക് ഉഗ്രൻ ടേസ്റ്റാണ്. ചൂട് പൊറോട്ടയുടെയും അപ്പത്തിന്റെയും കൂടെ കഴിക്കാൻ നല്ലൊരു ഗ്രേവിയാണിത്.
എങ്ങനെ വീട്ടില് തയാറാക്കാമെന്ന് നോക്കാം.
ചേരുവകള്
Whatsapp Group 1 | Whatsapp Group 2 |Telegram Group
സവാള വലുത് – 2
പച്ചമുളക് – 2
കറിവേപ്പില – ആവശ്യത്തിന്
ഓയില് – 5 ടേബിള്സ്പൂണ്
പട്ട (ചെറിയ കഷ്ണം), പെരുംജീരകം – അര ടീസ്പൂണ്, മഞ്ഞള്പ്പൊടി – അര ടീസ്പൂണ്, മുളകുപൊടി – 2 ടീസ്പൂണ്, വീട്ടില് പൊടിച്ച ഗരം മസാല – കാല് ടീസ്പൂണ്, സാമ്ബാർപ്പൊടി – അര ടീസ്പൂണ്, കുരുമുളകുപൊടി – കാല് ടീസ്പൂണ്, പഞ്ചസാര – രണ്ട് നുള്ള്
തയാറാക്കുന്ന വിധം
ഫ്രൈയിങ് പാൻ ചൂടാകുമ്പോള് എണ്ണ ഒഴിച്ച് പെരുംജീരകം, പട്ട എന്നിവ ചേർത്ത് മൂപ്പിയ്ക്കുക. ചെറുതായി അരിഞ്ഞ സവാള, പച്ചമുളക്, കറിവേപ്പില, ആവശ്യത്തിനു ഉപ്പ് എന്നിവ ചേർത്ത് വളരെ ചെറിയ തീയില് സവാള വെന്തു വരുന്നതുവരെ വേവിച്ചെടുക്കുക. മഞ്ഞള്പ്പൊടി, മുളകുപൊടി എന്നിവ ചേർത്തു പച്ചമണം മാറുന്നത് വരെ ഇളക്കി യോജിപ്പിക്കുക. സാമ്ബാർപൊടി, കുരുമുളകുപൊടി എന്നിവ ചേർത്ത് ഗ്രേവിക്കു ആവശ്യത്തിനുള്ള ചൂട് വെള്ളമോ ബീഫ്/ചിക്കൻ വേവിച്ച വെള്ളമോ ചേർത്ത് അടച്ചു വച്ച് എണ്ണ തെളിയുന്നതുവരെ വേവിച്ചെടുക്കണം. ശേഷം ഗരം മസാലയും സർവ സുഗന്ധിയും ചേർത്ത് വാങ്ങി വയ്ക്കുക. മുട്ടക്കറി വേണ്ടവർക്ക് ഈ ഗ്രേവിയിലേക്കു പുഴുങ്ങിയ മുട്ട ചേർക്കാം.
