കോട്ടയം പൊൻകുന്നത്ത് സീബ്രാലൈൻ മുറിച്ച് കടക്കുന്നതിനിടെ ആംബുലൻസ് ഇടിച്ചു; കാൽനടയാത്രികന് ദാരുണാന്ത്യം

കോട്ടയം : കോട്ടയം പൊൻകുന്നത്ത് റോഡ് മുറിച്ച് കടക്കുന്നതിനിടെ ആംബുലൻസ് ഇടിച്ച് കാൽനടയാത്രികന് ദാരുണാന്ത്യം. കൊല്ലം–തേനി ദേശീയപാതയിൽ പൊൻകുന്നം സ്വകാര്യ ബസ് സ്റ്റാൻഡിന് മുൻവശത്തുള്ള സീബ്രാ ക്രോസിംഗിൽ ഇന്ന് രാവിലെയാണ് അപകടം ഉണ്ടായത്.

Link

Embed

Copy and paste this HTML code into your webpage to embed.

തമിഴ്നാട് തേനി സ്വദേശിയായ മുരുകദാസ് ശങ്കരപാണ്ഡ്യൻ (67) ആണ് മരിച്ചത്. രാവിലെ 8 മണിയോടെയായിരുന്നു അപകടം. കാഞ്ഞിരപ്പള്ളി ഭാഗത്തുനിന്ന് എത്തിയ ആംബുലൻസാണ് കാൽനടയാത്രികനെ ഇടിച്ച് തെറിപ്പിച്ചത്.

അപകടത്തിൽ ഗുരുതരമായി പരിക്കേറ്റ മുരുകദാസിനെ ഉടൻതന്നെ കാഞ്ഞിരപ്പള്ളി ജനറൽ ആശുപത്രിയിലും തുടർന്ന് കോട്ടയം മെഡിക്കൽ കോളേജിലും പ്രവേശിപ്പിച്ചെങ്കിലും ജീവൻ രക്ഷിക്കുവാൻ കഴിഞ്ഞില്ല.