പൊലീസ് സ്റ്റേഷന് നേരെ പെട്രോൾ ബോംബാക്രമണം; ബൈക്കിൽ രക്ഷപ്പെട്ട പ്രതികൾക്കായി തിരച്ചിൽ ആരംഭിച്ചു

സ്വന്തം ലേഖകൻ
തിരുവനന്തപുരം: ആര്യങ്കോട് പൊലീസ് സ്റ്റേഷന് നേരെ പെട്രോള്‍ ബോംബ് ആക്രമണം. ബൈക്കിലെത്തിയ രണ്ട് പേരാണ് സ്റ്റേഷനിലേക്ക് ബോംബെറിഞ്ഞത്.

കഴിഞ്ഞ ദിവസം യുവാവിനെ ആക്രമിച്ച പ്രതിക്കായി ഇന്നലെ പ്രദേശത്തെ വീടുകളില്‍ പോലീസ് പരിശോധന നടത്തിയിരുന്നു.

ഇതിന് പിന്നാലെയാണ് യുവാക്കള്‍ പോലീസ് സ്റ്റേഷന്‍ ആക്രമിച്ചത്.

ഇന്ന് രാവിലെയായിരുന്നു ആക്രമണം. ബൈക്കിലെത്തിയ പ്രതികള്‍ രണ്ട് പ്രാവശ്യമാണ് സ്റ്റേഷനിലേക്ക് ബോംബെറിഞ്ഞത്. ശേഷം രക്ഷപ്പെടുകയായിരുന്നു.

ആക്രമണത്തിൽ ആർക്കും പരുക്കില്ല. പ്രതികൾക്കായി പോലീസ് അന്വേഷണം ഊർജിതമാക്കിയിട്ടുണ്ട്.