തു​ഷാ​ർ വെ​ള്ളാ​പ്പ​ള്ളി​ക്കെ​തി​രെ അജ്മാനിൽ കേസുകൊടുത്ത നാസിലിന്റെ തൃശ്ശൂരിലെ വീട്ടിൽ പോലീസ് പരിശോധന

തൃ​ശൂ​ർ: ബി​ഡി​ജെ​എ​സ് അ​ധ്യ​ക്ഷ​ൻ തു​ഷാ​ർ വെ​ള്ളാ​പ്പ​ള്ളി​ക്കെ​തി​രെ അ​ജ്മാ​നി​ൽ കേ​സു​കൊ​ടു​ത്ത തൃ​ശൂ​ർ മതിലകം സ്വ​ദേ​ശി നാ​സി​ൽ അ​ബ്ദു​ള്ള​യു​ടെ വീ​ട്ടി​ൽ പൊലീ​സ് പ​രി​ശോ​ധ​ന ന​ട​ത്തി. വ്യാ​ഴാ​ഴ്ച രാ​വി​ലെ​യോ​ടെ​യാ​ണ് നാ​സി​ൽ അ​ബ്ദു​ള്ള​യു​ടെ വീ​ട്ടി​ൽ പൊലീ​സ് എ​ത്തി​യ​ത്. മ​തി​ല​കം പൊലീ​സാ​ണ് പ​രി​ശോ​ധ​ന നടത്തിയത്.

പ​ത്ത് വ​ർ​ഷം മു​മ്പ് ന​ട​ന്ന കേ​സി​ൽ ഇ​പ്പോ​ൾ ന​ട​പ​ടി​യു​ണ്ടാ​യ​തി​ൽ ഗൂ​ഡാ​ലോ​ച​ന ഉ​ണ്ടോ​യെ​ന്ന​തു സം​ബ​ന്ധി​ച്ചാ​ണ് അ​ന്വേ​ഷ​ണം ന​ട​ത്തി​യ​തെ​ന്നാ​ണ് പോ​ലീ​സ് പ​റ​യു​ന്ന​ത്. രാ​വി​ലെ വീ​ട്ടി​ലെ​ത്തി​യ പോ​ലീ​സ് വീ​ട്ടു​കാ​രോ​ട് നാ​സി​ലി​നെ സം​ബ​ന്ധി​ച്ച് ചോ​ദി​ച്ച​റി​ഞ്ഞു. അ​ദ്ദേ​ഹ​ത്തി​ന്‍റെ ജോ​ലി, എ​ന്നാ​ണ് നാ​ട്ടി​ൽ​വ​രി​ക തു​ട​ങ്ങി​യ വി​വ​ര​ങ്ങ​ളാ​ണ് ചോ​ദി​ച്ച​റി​ഞ്ഞ​തെന്നും വീട്ടുകാർ പറഞ്ഞു.

തുഷാറിനെ കുടുക്കിയതാണെന്ന് പിതാവും എസ്എൻഡിപി ജനറൽ സെക്രട്ടറിയുമായ വെള്ളാപ്പള്ളി നടേശൻ നേരത്തെ പറഞ്ഞിരുന്നു. ഒ​ത്തു​തീ​ർ​പ്പി​നെ​ന്ന പേ​രി​ൽ അജ്മാ​നി​ലേ​ക്ക് തു​ഷാ​റി​നെ വി​ളി​ച്ചു വ​രു​ത്തിയാണ് അറസ്റ്റ് ചെയ്യിച്ചതെന്നും കേസ് നിയമപരമായി നേരിടുമെന്നും വെള്ളാപ്പള്ളി പറഞ്ഞു.