സ്വന്തം ലേഖകന്
കൊച്ചി : നെടുമ്പാശേരി അന്താരാഷ്ട്ര വിമാനത്താവളത്തില് 1.21 കിലോഗ്രാം ഹാഷിഷുമായി യുവതി പിടിയില്. തൃശൂര് വെങ്ങിണിശേരി താഴേക്കാട്ടില് രാമിയെ(33)യാണ് കസ്റ്റംസ് പിടികൂടിയത്.
യുവതിയില് നിന്നും ഒരു കോടി രൂപയുടെ ഹാഷിഷാണ് പിടികൂടിയത്. അടിവസ്ത്രങ്ങള്ക്കുള്ളില് ഒളിപ്പിച്ച് വിദേശത്തേക്കു കടക്കുന്നതിനിടയില് ദേഹ പരിശോധനയ്ക്കിടെ കസ്റ്റംസ് പിടികൂടുകയായിരുന്നു.
Whatsapp Group 1 | Whatsapp Group 2 |Telegram Group
ഇന്നലെ രാവിലെ എയര്ഇന്ത്യ എക്സ്പ്രസ് വിമാനത്തില് ബഹ്റൈനിലേക്കു പോകാനെത്തിയയപ്പോള് നടത്തിയ ദേഹ പരിശോധനയിലാണ് യുവതി കുടുങ്ങിയത്.സുരക്ഷാ പരിശോധനകളുടെ ഭാഗമായുള്ള ദേഹ പരിശോധനക്കിടെ അടിവസ്ത്രങ്ങള്ക്കുള്ളില് ഒളിപ്പിച്ച നിലയില് ഹഷിഷ് കണ്ടെത്തുകയായിരുന്നു.
മൂന്ന് പാക്കറ്റുകളിലായാണ് ഇവ യുവതിയുടെ ശരീരത്തിന്റെ വ്യത്യസ്ത ഭാഗങ്ങളില് ഒളിപ്പിച്ചിരുന്നത്. ഒരു കോടിയോളം രൂപ വില വരുമിതിന്. രാമിയയെയും ഹാഷിഷും പിന്നീട് പൊലീസിനു കൈമാറുകയും ചെയ്തു. സംഭവത്തില് വിശദമായ അന്വേഷണം നടത്തുമെന്നു റൂറല് ജില്ലാ പൊലീസ് മേധാവി കെ.കാര്ത്തിക് പറഞ്ഞു. ഇതോടൊപ്പം രാമിയയെ കുറിച്ചും പൊലീസ് വിശദമായ അന്വേഷണം നടത്തും.
