കണ്ണൂരിൽ പ്ലാസ്റ്റിക് ഉള്പ്പെടെയുള്ള മാലിന്യങ്ങൾ കൂട്ടിയിട്ടു കത്തിച്ചതിന് പൊലീസിന് പിഴ. കണ്ണൂര് ടൗണ് സ്ക്വയറിന് സമീപം ഇന്ഡോര് സ്റ്റേഡിയം പരിസരത്ത് മാലിന്യം കത്തിച്ചതിലാണ് നടപടി. പരാതിയുടെ അടിസ്ഥാനത്തില് ജില്ലാ എന്ഫോഴ്മെന്റ് സക്വാഡ് പൊലീസില് നിന്ന് പിഴ ഈടാക്കി.
കഴിഞ്ഞ ബുധനാഴച്ച ഉച്ചയ്ക്കാണ് പൊലീസിനെതിരെ മാലിന്യം കത്തിച്ചെന്ന് പരാതി ലഭിച്ചത്. പൊലീസ് മൈതാനിയില് വന്തോതില് പ്ലാസ്റ്റിക് കത്തിക്കുന്ന ദൃശ്യമടക്കം പരാതി ‘9446 700 800’ നമ്ബറില് ലഭിച്ചു.. ഹരിതകര്മ്മ സേനയ്ക്ക് നല്കി പുനഃചംക്രമണം ചെയ്യാവുന്ന പ്ലാസ്റ്റിക് ഉള്പ്പെടെ കത്തിച്ചവയിലുണ്ട്.
പരാതിയുടെ അടിസ്ഥാനത്തില് സ്ക്വാഡ് പരിശോധന നടത്തിയിരുന്നു. പിന്നാലെയാണ് പൊലീസ് ഉദ്യോഗസ്ഥര്ക്ക് 5000 രൂപ പിഴ ചുമത്തിയത്. തുടര്നടപടികള് സ്വീകരിക്കാന് നഗരസഭയ്ക്ക് നിര്ദേശം നല്കിയിട്ടുണ്ട്. മാലിന്യം വലിച്ചെറിയല്, കത്തിക്കല്, നിരോധിത പ്ലാസ്റ്റിക് ഉല്പ്പന്നങ്ങളുടെ വില്പ്പനയും ഉപയോഗവും എന്നിവ സംബന്ധിച്ച പരാതികള് പൊതുജനങ്ങള്ക്ക് ‘ 9446 700 800’ എന്ന നമ്ബറിലേക്ക് വാട്സ്ആപ്പ് ചെയ്യാം.
Whatsapp Group 1 | Whatsapp Group 2 |Telegram Group