പാലിലും വിഷം ??? ഹൈഡ്രജന്‍ പെറോക്സൈഡ് കലര്‍ത്തിയ പാല്‍ പിടികൂടി; റെയ്ഡ് മന്ത്രിയുടെ നിർദ്ദേശപ്രകാരം . പിടിച്ചത് തമിഴ്നാട്ടിൽ നിന്ന് പന്തളത്തേക്ക് കൊണ്ടുവന്ന പാല്‍.

സ്വന്തം ലേഖകൻ
കൊല്ലം : കുഴിമന്തി വിവാദം കെട്ടടങ്ങുന്നതിനു മുൻപേ വിഷം കലർത്തിയ പാൽ പിടികൂടി.

തമിഴ്നാട്ടില്‍ നിന്ന് കേരളത്തിലേക്ക് കൊണ്ടുവന്ന ഹൈഡ്രജന്‍ പെറോക്സൈഡ് കലര്‍ത്തിയ പാലാണ് പിടികൂടിയത്.

ടാങ്കറില്‍ കൊണ്ടുവന്ന 15,300 ലിറ്റര്‍ പാലാണ് കൊല്ലം ആര്യങ്കാവില്‍ പിടികൂടിയത്. ക്ഷീരവകുപ്പ് മന്ത്രി ജെ ചിഞ്ചുറാണിയുടെ നിര്‍ദ്ദേശത്തിലായിരുന്നു അതിര്‍ത്തിയില്‍ പരിശോധന നടത്തിയത്.

പത്തനംതിട്ട ജില്ലയിലെ പന്തളത്തേക്ക് കൊണ്ടുവന്നതായിരുന്നു പാല്‍. മൃഗസംരക്ഷണ വകുപ്പ് ഉദ്യോഗസ്ഥരാണ് മായം കലര്‍ത്തിയ പാല്‍ പിടികൂടിയത്. പാലുമായി വന്ന വാഹനം ആരോഗ്യ വകുപ്പിന് കൈമാറും.