ഭാര്യയുടെ ആദ്യ വിവാഹത്തിലുളള മകളെ ബലാംത്സംഗം ചെയ്ത് ഗര്‍ഭിണിയാക്കി; രണ്ടാനച്ഛന് 62 വര്‍ഷം കഠിന തടവ്

സ്വന്തം ലേഖിക

തിരുവനന്തപുരം: പ്രായപൂര്‍ത്തിയാകാത്ത പെണ്‍കുട്ടിയെ ബലാംത്സംഗം ചെയ്ത് ഗര്‍ഭിണിയാക്കിയ രണ്ടാനച്ഛന് 62 വര്‍ഷം കഠിന തടവ് വിധിച്ച്‌ കോടതി.

ഭാര്യയുടെ ആദ്യ വിവാഹത്തില്‍ ജനിച്ച മകളെയാണ് നിരവധിക്കേസില്‍ പ്രതി തട്ടികൊണ്ടുപോയി തടവില്‍ പാര്‍പ്പിച്ച്‌ പീഡിപ്പിച്ചത്.

പെണ്‍കുട്ടിയെ രക്ഷിക്കാനെത്തിയ പൊലീസിന് നേരെ പ്രതി ബോംബെറിഞ്ഞ് രക്ഷപ്പെടുകയായിരുന്നു.

2021ല്‍ കഴക്കൂട്ടം പൊലിസ് രജിസ്റ്റര്‍ ചെയ്ത കേസില്‍ പിന്നീട് പ്രതി പിടിയിലായി. തിരുവനന്തപുരം പോക്സോ കോടതിയിലാണ് വിചാരണ പൂര്‍ത്തിയായി പ്രതിയെ ശിക്ഷിച്ചത്. ‘

പോക്സോ, വധശ്രമം, സ്ഫോടക വസ്തു ഉപയോഗം, തട്ടികൊണ്ടുപോകല്‍, പൊലീസിനെ ആക്രമിക്കല്‍ തുടങ്ങിയ വകുപ്പുകള്‍ പ്രകാരമാണ് ഉത്തരവ്. തിരുവനന്തപുരം പോക്സോ കോടതിയുടെതാണ് ഉത്തരവ്.