ഫോണിലൂടെ പരിചയപ്പെട്ട 15കാരിയെ കൊല്ലം ബീച്ചിലേക്ക് വിളിച്ച്‌ വരുത്തിയത് ദുരുദ്ദേശത്തോടെ; പലതവണയായി തട്ടിയെടുത്തത് 49 ഗ്രാം സ്വര്‍ണവും 15,000 രൂപയും; പോക്‌സോ കേസിൽ യുവാവ് അറസ്റ്റിൽ

സ്വന്തം ലേഖകൻ

കൊല്ലം: ഫോണിലൂടെ പരിചയപ്പെട്ട പതിനഞ്ചുകാരിയെ ഭീഷണിപ്പെടുത്തി 49 ഗ്രാം സ്വര്‍ണവും 15,000 രൂപയും പലതവണയായി തട്ടിയെടുത്ത യുവാവിനെ പോക്‌സോ പ്രകാരം അറസ്റ്റ് ചെയ്തു.

കിളികൊല്ലൂര്‍ അയത്തില്‍ കാരുണ്യനഗര്‍ 76, തടവിള വീട്ടില്‍ ഷെഫീക്ക് (31) ആണ് പിടിയിലായത്.

പെണ്‍കുട്ടിയുടെ വിശ്വാസം പിടിച്ചുപറ്റി നിരന്തരം ചാറ്റിംഗില്‍ ഏര്‍പ്പെട്ട ഇയാള്‍ പരിചയം മുതലെടുത്ത് കൊല്ലം ബീച്ചിലേക്ക് വിളിച്ചു വരുത്തി. തുടര്‍ന്ന് ഫോണിലെ ചാറ്റിംഗ് കാണിച്ച്‌ ഭീഷണിപ്പെടുത്തിയാണ് അപഹരണം നടത്തിയത്.

പെണ്‍കുട്ടി മാതാവിനോടൊപ്പം ഇരവിപുരം പൊലീസില്‍ നല്‍കിയ പരാതിയില്‍ ലൈംഗികാതിക്രമം അടക്കമുള്ള കുറ്റങ്ങള്‍ ചുമത്തിയുള്ള കേസില്‍ പ്രതിയെ പിടികൂടിയത്.