പ്രായപൂർത്തിയാകാത്ത പെൺകുട്ടിയെ പുറകെ നടന്ന് ശല്യപ്പെടുത്തി; പോക്സോ കേസിൽ യുവാവ് ചിങ്ങവനം പോലീസിൻ്റെ പിടിയിൽ

സ്വന്തം ലേഖിക

കോട്ടയം: പോക്സോ കേസിൽ യുവാവ് അറസ്റ്റിൽ.

പനച്ചിക്കാട് കുഴിമറ്റം മണക്കാട്ട്കളം വീട്ടിൽ ജോസ് മകൻ ജിന്‍സുമോന്‍ ജോസ് (19) എന്നയാളെയാണ് ചിങ്ങവനം പോലീസ് അറസ്റ്റ് ചെയ്തത്. ഇയാൾ പ്രായപൂർത്തിയാകാത്ത അതിജീവിതയെ മാസങ്ങളായി പുറകെ നടന്ന് ശല്യപ്പെടുത്തുമായിരുന്നു.

ഇത് കൂടാതെ കഴിഞ്ഞ ദിവസം രാത്രി ഇയാൾ പെൺകുട്ടിയുടെ വീട്ടിൽ അതിക്രമിച്ചു കയറി അതിജീവിതയെ വിളിച്ചിറക്കിക്കൊണ്ട് പോകുവാൻ ശ്രമം നടത്തുകയും ചെയ്തിരുന്നു. തുടര്‍ന്ന് അതിജീവിതയുടെ അമ്മ ചിങ്ങവനം സ്റ്റേഷനില്‍ പരാതി നല്‍കുകയും , പോലീസ് കേസ് രജിസ്റ്റർ ചെയ്ത് ഇയാളെ പിടികൂടുകയുമായിരുന്നു.

ചിങ്ങവനം സ്റ്റേഷൻ എസ്.എച്ച്. ഓ ജിജു ടി. ആർ, എസ്.ഐ തങ്കച്ചൻ, സി.പി.ഓ മാരായ സതീഷ് എസ്, കൃഷ്ണകുമാർ, സലമോൻ, സിറാജുദ്ദീൻ എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.