ഈരാറ്റുപേട്ട : പ്രായപൂർത്തിയാകാത്ത 11 വയസ്സുള്ള പെൺകുട്ടിയുടെ നേരെ ലൈംഗിക അധിക്ഷേപം നടത്തിയ കേസിലെ പ്രതി കോട്ടയം ജില്ലയിൽ, കടനാട് വില്ലേജിൽ പിഴക് കരയിൽ മുഖത്തറയിൽ വീട്ടിൽ കൃഷ്ണൻ മകൻ 74 വയസുള്ള കരുണാകരൻ എന്നയാളെ 10 വർഷം കഠിന തടവിനും,35000/- രൂപ പിഴയും ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് റോഷൻ തോമസ് വിധിച്ചു .
പ്രതി പിഴ അടച്ചാൽ 30,000/- രൂപ അതിജീവിതയ്ക്ക് നൽകുന്നതിനും ഉത്തരവായിട്ടുണ്ട്.., ഭാരതീയ ന്യായ സംഹിതയിലെയും പോക്സോ നിയമത്തിലെയും വിവിധ വകുപ്പുകൾ പ്രകാരമാണ് ശിക്ഷ വിധിച്ചത്.
23/11/24 ൽ ആയിരുന്നു. കേസിന് ആസ്പദമായ സംഭവം നടന്നത് മേലുകാവ് പോലീസ് സ്റ്റേഷൻ എസ് ഐ ആയിരുന്ന ഗോപകുമാർ എഫ് ഐ ആർ രജിസ്റ്റർ ചെയ്തു.
പ്രതിയെ അറസ്റ്റ് ചെയ്ത കേസിൽ മേലുകാവ് എസ് എച് ഒ ആയിരുന്ന അഭിലാഷ്.എം ഡി തുടരന്വേഷണം പൂർത്തിയാക്കി പ്രതിയുടെ പേരിൽ കുറ്റപത്രം തയ്യാറാക്കി കോടതിയിൽ സമർപ്പിച്ചു. പ്രോസിക്യൂഷൻ ഭാഗത്തുനിന്നും16 സാക്ഷികളെയും 12 പ്രമാണങ്ങളും ഹാജരാക്കിയ കേസിൽ പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യുട്ടർ അഡ്വ .ജോസ് മാത്യു തയ്യിൽ ഹാജരായി.
Whatsapp Group 1 | Whatsapp Group 2 |Telegram Group