വിദ്യാർത്ഥികളോട് അശ്ലീല ചുവയോടെ സംസാരിക്കുകയും ദേഹത്ത് സ്പർശിക്കുകയും ചെയ്തു; മദ്രസ അധ്യാപൻ പോക്സോ കേസിൽ അറസ്റ്റിൽ

സ്വന്തം ലേഖകൻ

കൊല്ലം : വിദ്യാർത്ഥികളോട് അപമര്യാദയായി പെരുമാറിയ മദ്രസ അധ്യാപനെ ചവറ പൊലീസ് പോക്സോ കേസിൽ അറസ്റ്റ് ചെയ്തു. മുകുന്ദപുരം സ്വദേശി അബ്ദുൽ വഹാബിനെയാണ് അറസ്റ്റ് ചെയ്തത്.

പന്മനയിലെ മദ്രസയിൽ വെച്ചാണ് കേസിനാസ്പദമായ സംഭവം.
വിദ്യാർത്ഥികളുടെ മാതാപിതാക്കളുടെ പരാതിയിലാണ് ഇയാൾക്കെതിരെ കേസ് എടുത്തത്.

അധ്യാപകൻ അശ്ളീല ചുവയോടെ സംസാരിക്കുകയും ദേഹത്ത് സ്പർശിക്കുകയും ചെയ്തെന്നാണ് വിദ്യാർഥികൾ പൊലീസിൽ മൊഴി നൽകിയത്.

സംഭവത്തിന്‌ പിന്നാലെ ഒളിവിൽ പോയ പ്രതിയെ ഇന്നലെ വൈകിട്ടാണ് പൊലീസ് പിടികൂടിയത്.