കണ്ണൂർ : പതിനൊന്നു വയസ്സുകാരിയെ പീഡനത്തിനിരയാക്കിയ കേസിൽ മദ്രസ അധ്യാപകന് 26 വർഷം തടവ്. കണ്ണൂർ, ആലക്കോട് ഉദയഗിരി സ്വദേശി മുഹമ്മദ് റാഫിക്കെതിരെയാണ് ശിക്ഷാവിധി.
തളിപ്പറമ്പ് പോക്സോ അതിവേഗ കോടതിയുടെതാണ് ഉത്തരവ്. വിവിധ വകുപ്പുകളിലായി 26 വർഷം തടവും 75,000 രൂപ പിഴയുമാണ് ശിക്ഷ. 2017 ലാണ് അഞ്ചാം ക്ലാസ് വിദ്യാർത്ഥിനിയെ മദ്രസ അധ്യാപകനായ ഇയാൾ പീഡിപ്പിച്ചത് . 2018 ലാണ് പോലീസ് കേസ് രജിസ്റ്റർ ചെയ്തത്.
