സ്വന്തം ലേഖകൻ
തിരുവനന്തപുരം : സംസ്ഥാനത്തെ ഈ വർഷത്തെ ഹയർ സെക്കന്ററി, വൊക്കേഷണൽ ഹയർ സെക്കൻഡറി പരീക്ഷാഫലം പ്രഖ്യാപിച്ചു. വിദ്യാഭ്യാസ മന്ത്രി വി ശിവൻകുട്ടിയാണ് ഫല പ്രഖ്യാപനം നടത്തിയത്. വിജയശതമാനം 83. 87.
കഴിഞ്ഞവര്ഷത്തേക്കാള് വിജയശതമാനം കുറവാണ് ഇത്തവണ. കഴിഞ്ഞ വർഷം നേടിയത് 87.94% ആയിരുന്നു. 3,61,091 പേരെഴുതിയ പരീക്ഷയില് 3,02,865 പേരാണ് വിജയിച്ചത്. സർക്കാർ സ്കൂളുകളില് 81.72% വും എയ്ഡഡ് സ്കൂളുകളില് 86.02% വും അൺ എയ്ഡ്ഡ് സ്കൂളുകളില് 81.12% വും ടെക്നിക്കൽ സ്കൂളുകളില് 68.71% വും ആണ് വിജയം.
Whatsapp Group 1 | Whatsapp Group 2 |Telegram Group
ജൂലൈ 25 മുതല് സേ പരീക്ഷ നടത്തും. ഔദ്യോഗിക വെബ്സൈറ്റില് 12 മണിമുതല് ഫലം ലഭ്യമാകും. കോഴിക്കോട് ജില്ലയാണ് വിജയശതമാനത്തില് മുന്നില് 87.79. കുറവ് വയനാട് ജില്ലയിലാണ്. 75.07. 78 സ്കൂളുകള് 100 ശതമാനം വിജയം നേടി. മലപ്പുറം ജില്ലയിലാണ് ഏറ്റവും അധികം എ പ്ലസുകള്.
